15:23 / 04.09.2021
938

NASA учар таксини синовдан ўтказишни бошлади

NASA учар таксини синовдан ўтказишни бошлади
Фото: Joby Aviation
NASA келажак транспортига айланиши мумкин бўлган учар таксини синовдан ўтказишни бошлади, деб хабар беради Hi-Tech.Mail.ru.

Joby Aviation компаниясининг ихтиросини синовдан ўтказиш 10 сентябрга қадар давом этади ва Калифорнияда жойлашган Joby электромобиллар базасида амалга оширилади. Парвоз синовлари NASA томонидан баҳоланади.

Учар аппарат eVTOL номига эга бўлган. Ушбу самолётлар келажакда инсонлар ва товарларни ташишга хизмат қиладиган истиқболли транспорт воситасига айланиши мумкин.

NASA’нинг мақсади транспорт воситасининг техник тавсифига оид маълумотларни келажакда ҳаво маконида фойдаланиш мумкин бўлган концепцияларни моделлаштириш учун йиғишдан иборат. Синов жараёнлари Фуқаролик авиацияси федерал бошқармасининг амалдаги қоидалари сиёсатидаги мавжуд камчиликларни аниқлашга ёрдам беради. Бу эса кейинчалик такси-самолётни ҳаво маконининг миллий тизимига жорий этишга хизмат қилади.

АҚШ ҳаво маконида мобил транспорт воситаларини тарғиб қилиш борасидаги кўп томонлама кампания мамлакатнинг турли нуқталарида бир неча йил давомида амалга оширилади.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Технология » NASA учар таксини синовдан ўтказишни бошлади
[/banner_pushhouse