Фото: АКТ вазирлиги
Давлат бошқаруви органлари фаолиятида рақамли технологиялар, очиқлик ва давлат-хусусий шерикликни ривожлантириш юзасидан таклифларни ишлаб чиқиш бўйича ишчи гуруҳининг йиғилиш бўлиб ўтди. Бу ҳақда АКТ вазирлиги ахборот хизмати хабар берди.
Ўзбекистон Республикаси Президентининг 2021 йил 22 ноябрда «2022-2023 йилларга мўлжалланган Янги Ўзбекистон маъмурий ислоҳотлари дастурини ишлаб чиқиш бўйича ташкилий чора-тадбирлар тўғрисида»ги фармойиши қабул қилинган эди. Фармойиш билан барча йўналишларни қамраб оладиган қатор ишчи гуруҳлар тузилди. Шулардан бири Давлат бошқаруви органлари фаолиятида рақамли технологиялар, очиқлик ва давлат-хусусий шерикликни ривожлантириш юзасидан таклифларни ишлаб чиқиш ишчи гуруҳидир.
Мазкур Фармойиш билан ушбу ишчи гуруҳга Давлат бошқаруви органлари фаолиятида рақамли технологиялар, очиқлик ва давлат-хусусий шерикликни ривожлантириш юзасидан 2022-2023 йилларга мўлжалланган Янги Ўзбекистон маъмурий ислоҳотлари дастури лойиҳасига таклифларни ишлаб чиқиш белгиланган.
Шу мақсадда Давлат бошқаруви органлари фаолиятида рақамли технологиялар, очиқлик ва давлат-хусусий шерикликни ривожлантириш юзасидан таклифларни ишлаб чиқиш учун Ишчи гуруҳи йиғилиши бўлиб ўтди.
Йиғилишни Ахборот технологиялари ва комуникацияларини ривожлантириш вазири, Ишчи гуруҳ раҳбари Шерзод Шерматов олиб борди.
Йиғилишда Фармойиш билан белгиланган топшириқлар ижроси муҳокама қилинди ҳамда масъул вазирлик ва идоралардан Ишчи гуруҳга бириктирилган аъзолар томонидан билдирилган таклиф ва мулоҳазалар тингланди.
Фото: АКТ вазирлиги
Йиғилишда Ахборот технологиялари ва коммуникацияларини ривожлантириш вазирлиги ҳузуридаги Дастурий маҳсулотлар ва ахборот технологиялари технологик парки биносида ишчи шароит ташкил этилгани маълум қилинди.
Фармойиш билан белгиланган вазифаларни сифатли ва ўз вақтида амалга оширилишини таъминлаш бўйича саволнома, тармоқ графиги ва тақдимот материаллари лойиҳалари ҳамда Ишчи гуруҳ аъзоларининг вазифалар тақсимоти ишлаб чиқилди.
Ишчи гуруҳ томонидан ишни тўғри ташкил қилиш ҳамда вазирлик ва идоралардан олинадиган маълумотларни бир жойда йиғиш ва уларни қайта ишлаш имконини берувчи махсус сўровнома тузилиб, ишчи гуруҳ аъзоларининг фойдаланишлари учун имконият яратилди. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Жо Байден: “Баъзан хотиним мени космосга жўнатиш билан таҳдид қилади”
Айрим бошқарув сервис компаниялари шартномаларида асоссиз шартлар белгилангани аниқланди
20 ёшли ўзбекистонлик қизни қариндоши Туркияга сотиб юборди
Байден ва Жинпинг Перуда учрашди: «Агар бир-биримизни рақиб деб билсак, муносабатларни бузамиз»
Туркиянинг Harper’s Bazaar нашри йил аёлини аниқлади (фото)
КХДР етакчиси дронларни оммавий ишлаб чиқаришни йўлга қўйишни буюрди
Шольц ва Путин ўртасидаги суҳбат Киевга сигнал бўлди
Россиялик депутат: «Олий маълумотлиларнинг курерлик қилиши — ватанпарварликка зид»
