Миллий масс-медиани қўллаб-қувватлаш ва ривожлантириш жамоат фонди Васийлик кенгаши раиси Комил Алламжонов Ўзбекистонда расман чекланган TikTok ижтимоий тармоғи вице-президенти, доктор Тео Бертрам ва компаниянинг масъул ходимлари билан онлайн учрашув ўтказди. Бу ҳақда Алламжоновнинг ўзи Telegram’даги каналида хабар қилди.
Комил Алламжоновнинг айтишича, «TikTok зарарли бўлса, уни фойдали ресурсга айлантириш лозим. Шунга ўхшаш компаниялар фаолиятини чеклаш эмас, балки улар билан яқиндан мулоқот, ҳамкорлик ўрнатган ҳолда ишлаш ҳамма учун кўпроқ манфаатли ва тўғрироқ бўлади».
Қайд этилишича, учрашувда ўзаро ҳамкорлик масалалари муҳокама қилинган. Алламжонов компания вакилларига тармоқнинг ички нормалари ва айрим тартиб-қоидаларини кўриб чиқиш, уни Ўзбекистон қадриятлари, урф-одат ва менталитетига мослаш бўйича таклифлар берган.
«Улар томонидан бу таклиф, албатта, инобатга олиниши, бу борада ҳамкорликка, шунингдек, иловага ўзбек тилини ҳам киритишга тайёр экани маълум қилинди», — дея таъкидлаган Миллий масс-медиани қўллаб-қувватлаш ва ривожлантириш жамоат фонди Васийлик кенгаши раиси.
Эслатиб ўтамиз, май ва июнь ойларида «Ўзкомназорат» матбуот хизмати «ВКонтакте», Twitter, WeChat, Skype ва TikTok сервислари маъмуриятларига «Шахсга доир маълумотлар тўғрисида»ги қонуннинг 27-1-моддаси талабларга риоя этилишини таъминлаш чораларини кўриш юзасидан кўрсатмалар берганди.
Июль ойига келиб Ўзбекистонда TikTok ва Twitter’нинг очилиши секинлашди. 2 июль куни эса Ўзбекистонда айрим ижтимоий тармоқлар, хусусан, TikTok’дан фойдаланиш расман чекланди.
Кейинчалик «Миллий тикланиш» демократик партияси Марказий кенгаши раиси ўринбосари Феруза Муҳаммаджонова TikTok ижтимоий тармоғини бутунлай блоклашни таклиф қилди. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Халқаро жиноят суди Исроил бош вазири Нетаньяхуни ҳибсга олишга ордер берди
Зеленский Путин борасида баёнот берди: “Тинчликни истаганлар юзига тупурмоқда”
Бефойда ва қиммат: шифокорлар тавсия этмайдиган 5 турдаги биологик фаол қўшимчалар
Ўмон султонлиги элчиси: «Урушларни ҳарбий куч билан ҳал қилиб бўлмайди»
Жосеп Боррел: “Халқаро жиноят судининг Нетаньяхуни ҳибсга олиш бўйича қарори ижро этилиши шарт”
Диний қўмита Умра зиёратини ташкил қилиш учун 12 та турфирмага лицензия берди
Путин Украинадаги объектга баллистик ракета зарбаси берилганини эълон қилди
