TikTok пуллик обуна хизматини синовдан ўтказишни бошлади

^{Фото: Getty Images}
Хитойнинг ByteDance компаниясига тегишли TikTok муаллифларга ўз контентига обуна бўлганлик учун тўлов олиш имконини берувчи янги сервисни синовдан ўтказмоқда. Бу ҳақда The Information хабар берди.

Ҳозирда мазкур иловада фойдаланувчилар муаллифларга виртуал совға жўнатиши, муаллифлар эса совғаларни ҳақиқий пулга алмаштириши имконияти мавжуд.

Аввалроқ Instagram блогерлар гуруҳи орасида пуллик обуна хизматини синовдан ўтказаётганини маълум қилганди. Янги сервис муаллифларга бевосита трансляция ва сторисларни фақат пул тўлаган обуначиларга кўрсатиш имконини беради. Instagram 2023 йилгача муаллифлардан бу функция учун комиссия олмайди.

Ўтган йили Twitter шунга ўхшаш Super Follows функциясини йўлга қўйганди. “Замин” янгиликларини “Telegram”да кузатиб боринг