Фото: Wday
Ошқозон кечки пайт ёки банд бўлган иш кунининг ўртасида оғрийди. Оғриқ диққатни жамлашга имкон бермайди, ишлаш ва дам олишга халақит беради. Ноқулайликни бартараф этишнинг бир неча йўли мавжуд. Қуйидаги оддий тавсиялар шифокор қабулига боришдан олдин ҳолатни бир оз яхшилашга ёрдам беради, деб ёзади Wday нашри.
Нега ошқозонда оғриқ пайдо бўлади?
Ошқозондаги оғриқ ошқозон бузилишининг натижасидир. Аммо оғриқ қолдирувчи восита қабул қилишдан олдин вазиятни таҳлил қилиш лозим. Дастлаб, оғриқ келиб чиқишининг сабабини аниқлаш зарур.
Ошқозон оғриғига сабаб бўладиган омиллар:
- овқат ҳазм қилишнинг бузилиши. Бу озиқ-овқат аллергиялари, ошқозон яраси, қалқонсимон без касалликлари ва психологик стресс билан қўзғалиши мумкин;
- ортиқча овқатланиш;
- ичак дисбактериози;
- баъзи маҳсулот ва ичимликлар: мисол учун, чипслар, кола, спиртли ичимлик ва пишмаган мевалар;
- сувсизланиш;
- сифатсиз маҳсулотлар ёки кимёвий моддалар билан заҳарланиш.
Буларга қўшимча равишда, ошқозон билан боғлиқ бўлмаган сабаблар мавжуд. Юрак хуружи, пневмония ёки сиқилган нервлар ҳам ошқозон соҳасида оғриқ белгиларига олиб келиши мумкин. Оғриқ вақт ўтиши билан кучайса, дарҳол тез ёрдам чақириш лозим.
Ошқозон оғриганида нима қилиш керак?
Касалликнинг сабабини ҳисобга олган ҳолда даво чоралари қўлланади. Турғунлик туйғуси, чириган тухум ҳиди ва иштаҳасизлик овқат ҳазм қилиш бузилишининг белгисидир. Оғриқ, шиш ва кўнгил айниши билан бирга кузатилади — бу ортиқча овқатланишнинг оқибатлари бўлиб, диарея, колик, қайт қилиш дисбактериоз ёки заҳарланишни кўрсатади.
Ошқозон оғриганда қуйидаги кўрсатмаларга амал қилиш керак:
- янги сабзини қирғичдан ўтказиб, 2-3 ош қошиқ истеъмол қилинади. Бу чора жиғилдон қайнашида самарали;
- бир жуфт петрушка истеъмол қилинади. Шифо берувчи кўкатлар нордон маза ҳамда ноқулайлик учун яхши;
- бир чой қошиқ асал ва лимон шарбати бир стакан илиқ сувда суюлтирилади. Ошқозонда кислоталилик паст бўлса ёки ортиқча овқатланиш билан зарарланганда ичилади;
- янги занжабил илдизи майдаланиб, бир стакан иссиқ сув қуйилади, асал билан аралаштирилади. Ортиқча овқатланиш, шиш ва дисбактериозда ичилади;
- бир стакан сут қиздирилади. Кичик қултумларда ичилади. Бу таъсирланган шиллиқ пардаларни тинчлантиради, жиғилдон қайнаши ва оғирлик туйғусини енгиллаштиради;
- 100 грамм гуруч 2 стакан сувда юмшоқ бўлгунча қайнатиб олиниб, элакдан ўтказилади. Суюқлик бир оз совигач, асал билан аралаштирилади. Бу усул диарея ҳамда коликда самарали;
- уйда даволанишнинг ҳар қандай усули очлик билан бирлашганда самарали бўлади. 5-10 соат давомида овқатдан воз кечиш тавсия этилади. Кўп миқдорда тоза сув, чой ёки мойчечак қайнатмаси ичилади.
Ошқозон оғриғининг энг кенг тарқалган сабабларидан бири ошқозон шиллиқ қавати яллиғланиши ёки гастритдир. Агар оғриқ стресс ёки нотўғри овқатланиш туфайли кучайган бўлса, рационни қайта кўриб чиқиш лозим.
Кунига 4-5 марта овқатланиш керак, яхшиси бир вақтнинг ўзида, яхшилаб чайнаш ва ҳеч қандай ҳолатда ортиқча овқатланмаслик керак. Овқатланиш оралиғида газак қилмаслик ва фақат сув ёки шакарсиз чой ичиш мумкин.
Касаллик кучайиши билан менюдан қуйидаги маҳсулотларни чиқариб ташлаш лозим: қаҳва, янги сиқилган ва қадоқланган шарбатлар, газли ичимликлар, цитрус мевалар, барча кислотали мева ва резаворлар, хамир овқатлар, нон, консерва, колбаса ва балиқ, ёғли гўшт ва барча ферментланган сут маҳсулотлари.
Қаймоқли шўрвалар, қуритилган нон, қуруқ печенье, печда пиширилган сабзавотлар, клетчаткасиз мевалар, ширин резаворлардан тайёрланган компотлар, кам ёғли гўшт, балиқ ва денгиз маҳсулотлари фойдалидир. Шунингдек, гастритда ўз-ўзини даволаш билан тажриба ўтказмаслик, балки терапия учун шифокор билан маслаҳатлашиш керак.
«Замин» янгиликларини «Вконтакти»да кузатиб боринг
