Чарчоқ, бош оғриғи, тушкунлик... Сабаби D витаминими?

D витамини организмимиз учун жуда муҳим. У иммунитет тизимини мустаҳкамлайди, моддалар алмашинувини қўллаб-қувватлайди ва организмдаги кальций ва фосфат миқдорини тартибга солади, бу эса суякларимиз ва мушакларимизга таъсир қилади.

D витамини етишмаслиги баъзан кўзга ташланмас белгилар билан намоён бўлади. Лекин вақтида текшириш ва олдини олиш мумкин.

Қуйида D витамини етишмаслигининг энг кўп учрайдиган 6 белгисини келтирамиз:
– Доимий чарчоқ ва секин ҳаракат қилиш;
– Диққатни жамлашда қийинчилик;
– Бош оғриғи;
– Кайфиятда ўзгариш, ҳатто тушкунликкача;
– Мушаклар ёки оёқ-қўлда оғриқ;
– Соч тўкилиши.

Бу белгилардан камида иккитасини ўзингизда кузатяпсизми? Демак, қон таҳлили топшириш вақти келган. D витамини етишмаслиги суяк муаммолари, рахит ёки остеопорозгача олиб келиши мумкин.

Кичик етишмаслик овқатланиш орқали бартараф этилади: лосос, сардина, тухум сариғи ва гўшт етарлича енг. Аммо жуда кам миқдор бўлса, шифокор тавсияси асосида қўшимча витаминлар қабул қилинади.

Сизда бу белгилар борми? Қон таҳлили топшириш вақти келмадими? «Замин»ни Telegram’да ўқинг!