Чеченистонлик эркак қорнидан шифокорлар хатоси сабаб унутиб қолдирилган 10 метрли зонд олиб ташланди

Чеченистонлик шифокорлар 60 ёшли бемор қорнидан номаълум жисмни олиб ташладилар. Аниқланишича, бу бир вақтлар украиналик жарроҳлар томонидан бемор қорнида унутиб қолдирилган тиббий зонд экан.

10 йил аввал бемор ичак ҳасталиги билан Харьковда операция қилинган. Яқиндагина эркак қорнидаги оғриқлардан шикоят қилиб, Чеченистондаги шифохоналарнинг бирига келди. Рентген текширувида эса бемор қорнида номаълум жисм борлиги аниқланди.

Хабарда айтилишича, бемор зудлик билан операция қилинган ва ичакдаги зонд олиб ташланган.