18:55 / 04.06.2018
7 052

Олимлар оқсил умрни узайтиришини аниқлашди

Олимлар оқсил умрни узайтиришини аниқлашди
Нидерландиялик олимлар узоқ умр кўришни истайдиганлар учун қандай озиқ-овқат маҳсулотларини тановвул қилиш маъқул эканлигини аниқлашди.

Ушбу мамлакатдаги Гронинген университети 21 ой давомида шу йўналишда тадқиқот олиб борди. Бу ҳақида “Халқ сўзи” нашри хабар берди.

Ўтган вақт давомида мазкур олий ўқув юрти мутахассислари бутун Европа бўйича 2,3 минг киши таҳлилларини текширувдан ўтказди. Уларнинг ўртача ёши 68да бўлиб, тадқиқотлар давомида кексаларнинг бир қисми вафот этди.

Натижалар ҳайратланарли кўриниш олди. 21 ой ичида кунига камида 40 граммдан оқсил истеъмол қиладиган одамларда ўлим хавфи 31 фоизни, 70 ёшдан катта инсонларда эса буйрак иш фаолияти кучсизланиш хуружи 46 фоизни ташкил этган.

Айни чоғда кунига 70 граммдан зиёд оқсил қабул қиладиганларда ўлим хатари 18 фоизгача камаяр экан.

Олимларнинг фикрича, организм юрак мушаклари тўқималарини тиклаш учун оқсил талаб қилади. Тана аъзолари ўз функциясини бажаришга қийналадиган қарилик пайтида юрак тўқималарини тиклаш учун оқсил, айниқса, муҳимдир.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Саломатлик » Олимлар оқсил умрни узайтиришини аниқлашди