14:20 / 08.06.2018
7 014

Тиббиёт соҳасида 28 мансабдор жиноий жавобгарликка тортилди

Тиббиёт соҳасида 28 мансабдор жиноий жавобгарликка тортилди
Соғлиқни сақлаш вазирлигида Республика Бош прокуратураси билан ҳамкорликда 2017—2018 йилларга мўлжалланган коррупцияга қарши курашиш бўйича Давлат дастурининг ижросини таъминлаш юзасидан «Коррупцияга қарши курашиш соҳасида лицензияловчи орган мансабдор шахслари ва ходимларининг масъулиятини янада ошириш» мавзусида семинар ташкил этилди. Бу ҳақда Соғлиқни сақлаш вазирлиги матбуот хизмати хабар бермоқда.

Йиғилишда айтилишича, коррупция ва порахўрлик ҳолатлари тиббиёт тизимида ҳам учраб турибди. Жорий йилнинг ўтган тўрт ойи мобайнида соҳанинг турли йўналишларида ана шундай ноқонуний хатти-ҳаракатларга йўл қўйган 28 нафар мансабдор шахс жиноий жавобгарликка тортилган.

Соғлиқни сақлаш вазирлиги тиббиётнинг барча бўғинида бундай муаммоларнинг олдини олиш бўйича тегишли чора-тадбирларни амалга оширмоқда.

Семинарда соғлиқни сақлаш тизимида бу йўналишда ўзига хос натижалар билан бирга, хусусий тармоқни ривожлантиришга тўсиқ бўлаётган бир қатор муаммолар борлиги ҳам қайд этилди. Тадбирда бу борадаги муаммоларни бартараф этиш билан боғлиқ устувор вазифалар ҳам белгилаб олинди.

Шунингдек, бошқа масалалар кўриб чиқилди.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Саломатлик » Тиббиёт соҳасида 28 мансабдор жиноий жавобгарликка тортилди