Tesla Model Y yangilangan dizayni: muxlislar oʻrtasida ziddiyatli fikrlar

Tesla kompaniyasining yangilangan Model Y dizayni haqida muxlislar orasida qizgʻin bahslar kuzatilmoqda. Reddit’dagi r/TeslaLounge hamjamiyatida avtomobil egalari oʻz fikrlarini bayon qilishmoqda.

Ayrim foydalanuvchilar tanqid qildi:

• "Bu eski mashina, faqat yangi farlar bilan," — deb yozdi foydalanuvchi u/Thedude11117.
  
• "Ichki dizayn juda oddiy va arzon koʻrinadi," — dedi u/farfromelite.
  
• "Bu Porsche Macan’ning sun'iy intellekt yaratgan nusxasiga oʻxshaydi," — deya izoh qoldirdi boshqa foydalanuvchi.
  

Shu bilan birga, ijobiy fikrlar ham mavjud:

• "Vaqt oʻtib, odamlar bu dizaynni yoqtira boshlaydi," — deb hisoblaydi Tesla sarmoyadori Soyer Merritt. U ilgari Model X va Model Y haqidagi salbiy fikrlar keyin ijobiy tomonga oʻzgarganini ta'kidladi.
  

Buyurtmalar va qiziqish
Barcha tanqidlarga qaramay, yangilangan Tesla Model Y katta qiziqish uygʻotdi. Modelga birinchi kundayoq 50 000 dan ortiq buyurtma berilgan. Bu yangilanish kompaniyaning texnologiya va dizayndagi yondashuvi odamlarni oʻziga jalb qilayotganini koʻrsatadi. “Zamin” yangiliklarini “Telegram”da kuzatib boring