Mini kompaniyasi kupe-krossover tayyorlamoqchi

Britaniya avtomobilsozlik kompaniyasi o‘z rusumlari qatoriga noodatiy kupe-krossoverni qo‘shish rejasida.

Autoexpress nashri jurnalistlarining xabar berishicha yangi rusumning uch emas, besh eshigi bo‘ladi. Shu bilan birga tajovuzkor qiyofasi va tomining qiyaligi bilan ajrab turadi.

Kupe va krossoverning omixtasi 2018 yildan savdoga chiqishi kutilyapti. 2 litrli dizel motorlari 150 va 190 ot kuchiga ega bo‘ladi. Shuningdek, 1,5 (136 o.k.) va 2 (192 o.k.) litrli benzinli versiyalari ham chiqariladi. Jami 224 ot kuchiga ega bo‘lgan gibrid dvigatelli versiyasi ham dunyo yuzini ko‘rishi mumkin. “Zamin”ni Telegramʻda oʻqing!