Toshkentda elektromobil zaryad olayotganda yonib ketdi

10 aprel kuni Toshkent shahrida Zeekr rusumli elektromobil zaryad olayotgan vaqtda yonib ketdi, deb Nova24.uz xabar berdi.

Hodisa soat 07:30 da Chilonzor tumanidagi Furqat ko‘chasida sodir bo‘lgan. Favqulodda vaziyatlar vazirligi ma’lumotiga ko‘ra, voqea joyiga soat 07:35 da yong‘in o‘chirish guruhlari yetib borgan va yong‘in 08:28 da batamom bartaraf etilgan.

Yong‘in sababi elektromobilning akkumulyator bo‘limida yuzaga kelgan olov bo‘lgan. Baxtli ravishda hech kim jabrlanmagan.

Mutasaddilar ta’kidlashicha, elektromobillarning akkumulyatorlari katta miqdorda energiya saqlaydi. Shu sababli, xalqaro amaliyotga ko‘ra, yong‘in paytida akkumulyator to‘liq sovitilib, ichidagi elektr quvvati tugaguncha yondirish usuli qo‘llaniladi. Bu usul odatiy yoqilg‘ida ishlovchi transport vositalariga qaraganda farqlanadi. “Zamin”ni Telegramʻda oʻqing!