Avatr 11 krossoveri: 578 ot kuchi va 8 yil kafolat

Rossiyada 2025 yilgi Avatr 11 krossoverlarining rasmiy sotuvi boshlandi, deb BBC xabar berdi. Yanvarda bozorda 2024 yilgi modellar taqdim etilgan bo‘lsa, hozir esa dilerlar 2025 yilgi mashinalarni taklif qilmoqda. Avatr — Changan brendining premium elektr avtomobili hisoblanadi.

Yangi Avatr 11 avtomobili 9 ta shahardagi 19 dilerlik markazida 56 xil tashqi va ichki dizayn variantida mavjud. Yaqin orada Sankt-Peterburg va Tyumen shaharlarida yana 2 avtosalon ochilishi rejalashtirilgan.

Avatr 11 Rossiyada o‘zining uzoq kafolati bilan ajralib turadi: elektromotor, tortuvchi batareya va kuch tizimi uchun 8 yil yoki 160 000 km kafolat beriladi. Boshqa qismlar uchun esa — 5 yil yoki 120 000 km.

Krossover o‘lchamlari: 4880 x 1970 x 1601 mm, g‘ildirak bazasi — 2975 mm. U Long Range 4, Ultra-long Range 5 va Ultra-long Range 4 komplektatsiyalarida sotiladi. Quvvati — 578 ot kuchi, yurish masofasi — 555 yoki 680 km. Batareya sig‘imi — 90 yoki 116 kVt/soat. Narxi 6,95 million rubl (taxminan 957 million so‘m) dan boshlanadi. “Zamin”ni Telegramʻda oʻqing!