Renault Clio: Yangi avlodning birinchi tasvirlari paydo bo'ldi

Renault o‘zining mashhur Clio modelining yangi avlodini ishlab chiqmoqda, deb Daily-Motor.ru xabar berdi. 35 yildan beri ishlab chiqarilayotgan ushbu model jiddiy dizayn o‘zgarishlari va gibrid texnologiyalar bilan yangilanmoqda.

Yaqinda Clio'ning yangi avlodi bo‘yicha rasmiy bo‘lmagan render tasvirlari internetda paydo bo‘ldi. Italiya portali Quattroruote tomonidan tayyorlangan rasmiy bo‘lmagan renderda Clio sezilarli darajada yangilangan ko‘rinishga ega.

Yangi Clio "yumshoq" va to‘liq gibrid variantlarda taqdim etilishi kutilmoqda. Boshqa modellar qatori, Clio yuqori darajadagi 160 ot kuchiga ega E-Tech gibrid tizimi bilan ham jihozlanadi.

Modelning rasmiy taqdimoti 2025 yilga rejalashtirilgan, ammo aniq sanasi hali oshkor qilinmagan.
“Zamin”ni Telegramʻda oʻqing!