Haval Raptor benzinli versiyasi rasman taqdim etildi

Haval kompaniyasi o‘zining yangi benzinli Raptor yo‘ltanlamasining rasmiy suratlarini taqdim etdi, deb SpeedMe xabar berdi. U beshta rangda taqdim etiladi: yashil mox, kulrang, oq, qora va bulutli kulrang. Yashil mox rangi faqat benzinli versiya uchun mo‘ljallangan.

Yangi model dizayni bilan Hi4 gibrid versiyasiga qaraganda yanada jiddiyroq va yo‘ltanlamasga mos ko‘rinadi. Old panjarasi vertikal chiziqlar bilan bezatilgan, burchaklari yumaloq to‘rtburchak faralar va old qismda katta kumushrang himoya mavjud. Yon tomondan klassik “quti” shaklidagi kuzov va orqa eshikda joylashgan zaxira g‘ildirak ko‘zga tashlanadi. Orqa chiroqlar old optikaga mos tarzda ishlab chiqilgan.

Avtomobilning o‘lchamlari 4800 (4680) x 1950 x 1822 (1843) mm, g‘ildirak bazasi esa 2738 mm. 19 va 18 dyuymli g‘ildiraklar mavjud. Kapoti ostida Haval H6 va Haval Dagou modellari bilan tanish bo‘lgan 2,0 litrli GW4N20A turbomotor joylashgan bo‘lib, u 175 kVt (235 ot kuchi) quvvatga ega. 9 pog‘onali robotlashtirilgan transmissiya va to‘liq g‘ildirakli haydov tizimi kutilmoqda.

Benzinli Haval Raptor versiyasi brendning 2024–2025 yillardagi avtomobil yangiliklariga bo‘lgan yuqori qiziqish fonida bozordagi pozitsiyalarini mustahkamlashi mumkin. “Zamin”ni Telegramʻda oʻqing!