General Motors Captiva EV’ni butun Janubiy Amerikada taqdim etadi

General Motors 2026 yilgi yangi Chevrolet Captiva EV elektr krossoveri Janubiy Amerikaning barcha davlatlarida mavjud bo‘lishini tasdiqladi, deb SpeedMe.ru xabar berdi. Rasmiy taqdimotdan so‘ng, avtomobil Braziliya portlariga yetkazilmoqda va u Argentina, Chili, Kolumbiya, Ekvador, Peru, Urugvay hamda Paragvayda ham sotuvga chiqadi.

GM Janubiy Amerika bo‘yicha vitse-prezidenti Fabio Rua Captiva EV Chevrolet’ning global elektromobil segmenti uchun strategik model ekanini ta’kidladi. Avtomobil shu yil oxirigacha mintaqadagi bozorga chiqariladi.

Captiva EV — bu Chevrolet tomonidan butun Janubiy Amerika bozoriga taqdim etilayotgan ikkinchi elektromobil bo‘lib, undan oldin Spark EUV 2026 taqdim etilgan edi. Elektromobil 7 o‘rinli benzinli Captiva XL modeli bilan birga sotuvga chiqadi.

Jahon premyerasi Braziliyada yoki boshqa Janubiy Amerika davlatlarida yaqin oylar ichida kutilmoqda. Insayderlarga ko‘ra, Captiva EV — Wuling Starlight S modeliga asoslangan, Chevrolet dizayniga moslashtirilgan avtomobil hisoblanadi. Bu SGMW (SAIC-GM-Wuling) kompaniyasining xalqaro bozorga chiqishida muhim bosqich bo‘ladi. “Zamin”ni Telegramʻda oʻqing!