Kiotoda joylashgan Green Lord Motors (GLM) kichik yapon firmasi avtomobil elektronikasi, elektromotor, akkumulyator va dasturiy ta’minot ishlab chiqarishga ixtisoslashgan. GLM mustaqil tarzda elektromobil ishlab chiqarishga qurbi etmaydi. Shu bois gollandlarning Savage Rivale firmasi bilan hamkorlikda GLM-G4 superkarini tayyorlashni maqsad qildi. Golland firmasi bir necha yil muqaddam to‘rt eshikli Savage Rivale Roadyacht GTS sportkarini ishlab chiqarishga uringan edi.
Dastlab, avtomobilga Chevrolet Corvettening benzinli motorini qo‘yish rejalashtirildi, ammo yapon hamkorlar uni elektromobilga aylantirish taklifini berdi. Shunday qilib, gollandlar mashina shassisi, kuzovi va salonini, yaponlar esa elektrlashtirish va sotishni o‘z zimmasiga oldi. Superkar kelasi yildan seriyali ishlab chiqariladi.
GLM-G4 noodatiy kompozit kuzovli bo‘lib, eshiklari tepaga ochiladi. Elektromotorlarining jami quvvati 574 ot kuchiga teng. Soatiga yuz km tezlikka erishishi uchun 3,7 soniya etarli. Maksimal tezligi 250 km/soat. To‘la zaryadi 400 km yo‘l bosish imkonini beradi.
Yapon-golland hamkorligi mevasi kunchiqar yurtda, shuningdek, Singapur va Gongkongda sotiladi. So‘ng AQSh va Xitoy bozoriga kirib boradi. Narxi 225 ming dollardan boshlanishi kutilyapti.
Green Lord Motors firmasi avtomobildan tashqari o‘z mahsulotining lisenziyasini ham sotmoqchi. Bu, haqiqatan, qiziq reja. Superkarni ishlab chiqarishga xitoylik ishbilarmonlar mayl bildirdi. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Zoir Mirzayev “Telefonsiz maktab”ga 300 mln so‘m mukofot berdi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Xitoy AQSHni «qizil chiziqlar»ni kesib o‘tishdan ogohlantirdi va «dushman emas, hamkor» bo‘lishga chaqirdi
Ortiqcha vaznli insonlar uchun sog‘lom ovqatlanishning beshta muhim qoidasi
Ruslar Abrams tanklarining zaif tomonini topishdi
Germaniyada ishlash istagida bo‘lgan o‘zbekistonlik mutaxassislar uchun nemis tili o‘rgatiladi
AQSHning G‘azodagi siyosatidan norozi Davlat departamenti rasmiysi iste’foga chiqdi
Lukashenko G‘arbga tahdid bilan chiqdi