Rossiya davlat idoralari “Atom” elektromobiliga o‘tadi

Rossiyada ishlab chiqarilayotgan zamonaviy “Atom” elektromobili davlat tashkilotlari uchun mo‘ljallangan maxsus versiyada taqdim etiladi. Yangi model maxsus talablarga moslashtirilib, xizmat avtomobillari uchun qulay qilib jihozlanadi. Shuningdek, mashina qora va oq kabi rasmiy ranglarda ishlab chiqariladi.

“Atom”ning ushbu modifikatsiyasi nafaqat davlat idoralari, balki taksi xizmatlari uchun ham mo‘ljallangan. Ayniqsa, taksi versiyasida old o‘rindiqsiz variantni tanlash imkoniyati yaratilgan — bu nafaqat haydovchiga, balki yo‘lovchilar uchun ham kengroq joy yaratishni ta’minlaydi. Old o‘rindiq o‘rniga bagaj uchun qo‘shimcha maydon taqdim etiladi, bu esa taksi sifatida foydalanishda alohida afzallik beradi.

Shu bilan birga, “Atom” elektromobillari Rossiyada qabul qilingan taksilarni mahalliylashtirishga oid qonun talablariga to‘liq mos keladi. Ya’ni, bu transport vositalari faqat tashqi ko‘rinishi bilan emas, balki texnik jihatdan ham yangi standartlarga javob beradi.

Ushbu elektromobilning ommaviy ishlab chiqarilishi 2025 yilning ikkinchi yarmida boshlanishi rejalashtirilgan. Taqdim etilayotgan maxsus komplektatsiyalar esa “Atom”ni davlat idoralari va taksi sohasi uchun zamonaviy, ekologik va funksional yechimga aylantiradi. “Zamin”ni Telegramʻda oʻqing!