Har kuni ishga borish va qaytishda shaxsiy avtomashinadan foydalanish qayerda qulayroq — moliyaviy jihatdan ham, vaqt jihatdan ham? Fit Service xalqaro avtoservislar tarmog‘i tahlilchilari ushbu savolga javob izlashga qaror qilishdi.
Ular tadqiqot uchun 2012 yilda ishlab chiqarilgan, 1,4 litrli dvigatel va avtomat uzatma qutisiga ega Hyundai Solaris avtomobillarini tanladi. Bu tanlov bekorga qilingani yo‘q — aynan shunday turdagi mashinalar Fit Service'ga eng ko‘p murojaat qiluvchilar qatorida ekan.
Yil davomida qayd etilgan ta’mirlash va texnik xizmatlar ro‘yxati 95 ta pozitsiyadan iborat bo‘lib, ularning umumiy xarajati 142 ming rublni tashkil etdi. Ammo bu hali barchasi emas.
Benzinga, majburiy avtosug‘urtaga va soliqlarga ketadigan o‘rtacha xarajatlar ham hisobga olindi — 91 ming rubl. Hammasi bo‘lib, shaxsiy avtoni yil davomida ishlatish uchun 233 ming rubl sarflanar ekan.
Endilikda keling, taksini ham hisoblab ko‘raylik. OFD platformasi ma’lumotlariga ko‘ra, Rossiyada taksi xizmatlarining o‘rtacha narxi 2025 yil boshida 624 rublni tashkil qilgan. Agar inson har kuni — 247 ish kuni davomida taksidan foydalansa, umumiy xarajat 308 ming rublni tashkil etadi.
Natija qanday?
-
Taksida yurish — yillik hisobda 75 ming rublga ko‘proq xarajat talab qiladi;
-
Ammo shaxsiy avtomobil egasi texnik xizmat, benzin, sug‘urta va boshqa yuklamaga ham doimo tayyor turishi kerak;
-
Shuningdek, avto egalari — vaqt va erkinlik sohibi, taksi esa ko‘proq qulaylik va mas’uliyatsizlikni taklif qiladi.
