Yaponiyaning Toyota kompaniyasi Las-Vegas shahrida bo‘lib o‘tayotgan iste’mol elektronikasiga bag‘ishlangan CES-2017 ko‘rgazmasiga sun’iy aqlga ega bo‘lgan konsept-kar namunasini olib kelgan. Concept-i prototipiga avtopilot o‘rnatilgan bo‘lib, u o‘z egasi va yo‘lovchilarga moslasha oladi, deb yozadi Kun.uz sayti.
Yui deb nomlangan tizim sun’iy aqlni birlashtiradi va amalda avtomobilni to‘liq boshqaradi. Masalan, Yui haydovchini taniy oladi hamda salon chiroqlarini uning xohish istagidan kelib chiqqan holda sozlaydi, asosiy yo‘nalishlar xaritasini aks ettiradi. Tizimga, shuningdek, yuz ifodasi va ovozdan kelib chiqqan holda hissiyotlarni aniqlash texnologiyasi ham kiradi.
Salondagi yo‘lovchilar bilan muloqot esa, old oyna uzra joylashtirilgan proeksion displey orqali tovushli xabarlar yoki bevosita qo‘l suyanchig‘idagi harakatlanuvchi yuza vositasida amalga oshiriladi.
Bundan tashqari, Yui avtomobilning turli xavfsizlik tizimini nazorat qiladi va talab qilinganda muqobil boshqaruvni ishga tushirishi mumkin.
Toyota Concept-i, shuningdek, o‘z atrofidagi avtomobillar va haydovchilar bilan ham «muloqot» qila oladi. Xususan, avtomobil tashqarisidagi diodli chiroqlar turli ranglarda tovlanishidan uning avtopilot yoki haydovchi tomonidan boshqarilayotganini bilib olish mumkin. Uning orqa tomoniga joylangan displeyda turli matnli xabarlar aks ettiriladi.
Konsept-kar dizayni Kaliforniyadagi Toyota markazida ishlab chiqilgan. Sun’iy aqlni San-Fransiskodagi Toyota Innovation Hub ishlab chiqqan.
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
Xonanda Ruxshona uylanmagan yigitga turmushga chiqqani haqida so‘zlab berdi
22 noyabr kuni Cobalt avtomobiliga shartnoma ochilishi e’lon qilindi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Konor Makgregor jinsiy tajovuz qilganlikda aybdor deb topildi, u endi...
