2025-yilda Istanbul shahri dunyo bo‘ylab yo‘l tirbandliklarida eng ko‘p vaqt yo‘qotgan shahar sifatida birinchi o‘rinni egalladi. Turkiyaning bu yirik megapolisida haydovchilar yil davomida 118 soatni yo‘l tirbandliklarida yo‘qotgan. Bu haqda Inrix analitik kompaniyasining Global Road Traffic Index tadqiqoti ma’lumotlariga tayanilgan holda TRT Haber xabar berdi.
Inrix kompaniyasi tomonidan o'tkazilgan tadqiqotga ko‘ra, Istanbulning tirbandlik darajasi 2025-yilda butun dunyoda eng yuqori bo‘lgan. Tadqiqotda, yo‘l sensorlari va avtomobillardan to‘plangan ma'lumotlar asosida, shaharlarning aholi soni va yirikligi hisobga olinib, tirbandlikda yo‘qotilgan soatlar soni reytingi shakllantirilgan.
Istanbulni ortda qoldirib, Mexiko va Chikago shaharlari keyingi o‘rinlarda joylashgan. Mexiko haydovchilari 108 soat, Chikago haydovchilari esa 112 soat tirbandlikda vaqt yo‘qotgan.
Dunyo bo‘ylab 900 dan ortiq shaharlar ma’lumotlari asosida tuzilgan bu indeks, global yo‘l harakati va shaharlarning tirbandlik darajasini tahlil qilishda muhim manba hisoblanadi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
