Toshkentda suratga olingan Porsche avtomobillari aks etgan video ijtimoiy tarmoqlarda katta qiziqish uyg‘otdi. Videoda turli davrlarga mansub klassik hamda zamonaviy Porsche modellari bir joyda jamlangani avtomobil ixlosmandlari e’tiborini tortmoqda.
Lavhalarda afsonaviy eski Porsche’lardan tortib, kompaniyaning eng yangi modellari ham ko‘rinish bergan. Ayniqsa, klassik kuzov dizayniga ega avtomobillar ko‘pchilik tomonidan alohida qiziqish bilan kutib olingan.
Ijtimoiy tarmoq foydalanuvchilari bunday kolleksiyani Toshkent ko‘chalarida birgalikda ko‘rish juda kam uchrashini ta’kidlamoqda. Ayrimlar videoni “haqiqiy avtomobil bayrami” deb atagan.
Porsche avtomobillari dunyo bo‘ylab tezligi, dizayni va hashamati bilan mashhur hisoblanadi. Shu sabab videoda aks etgan kolleksiya nafaqat avtomobil muxlislarini, balki oddiy foydalanuvchilarni ham hayratda qoldirgan.
“Zamin”ni Telegramʻda oʻqing!
