GM Uzbekistan AJda ishlab chiqariluvchi avtomobillarning yangi narxlari ma’lum bo‘ldi.
Avvalroq GM Uzbekistan AJ 1 iyundan o‘zi ishlab chiqaradigan avtomobillar narxini oshirishni rejalashtirgani, narxlar 25-30 foizga oshishi taxmin qilinayotgani haqida xabar berilgandi. Biroq Kun.uz muxbirining avtosalonlardan biridan olgan hamda narxlar ko‘rsatilgan ma’lumotda ularning o‘sishi ancha katta ekanini ko‘rish mumkin.
Eslatib o‘tamiz, Prezident qarori bilan 1 iyundan boshlab GM Uzbekistan barcha avtomobillari so‘mda sotilishi yo‘lga qo‘yiladi. Shu sababli ham bir qator avtomobillarning aprel oyi oxiridagi va yangi jadvaldagi narxlarini so‘mda keltirib o‘tamiz.
Demak, yangi narxlarga qaraganda, aprel oxirlarida “Damas”ning DLX modifikasiyasi 33 mln 463 ming so‘m turgan bo‘lsa, yangi narxi – 44 mln 330 ming so‘m.
“Matiz”ning ML30Kt0 modeli 34 mln 69 ming so‘m turgan bo‘lsa, MX s/k V54’da yangi narxi – 45 mln 102 ming so‘m.
Spark LT A/T 46 mln 232 ming so‘m turgan bo‘lsa, yangi narxi – 69 mln 218 ming so‘m.
Neksiya 3 – LTZ A/T 62 mln 800 ming so‘m turgan bo‘lsa, yangi narxi – 78 mln 834 ming.
Kobalt LTZ A/T – avvalgi narxi 79 mln 569 ming so‘m edi, yangi narxi – 88 mln 715 ming.
Lasetti CDX A/T – avvalgi narxi 81 mln so‘m edi, yangi narxi – 119 mln 274 ming so‘m bo‘ldi.
Orlando LTZ A/T – avvalgi narxi 96 mln so‘m, yangi narxi – 124 mln 436 ming so‘m.
Kaptiva 2,4 LTZ – avvalgi narxi taxminan 150 million so‘m atrofida, yangi narxi – 209 mln 987 ming so‘m.
Ta’kidlab o‘tish joizki, narxlar xaridni amalga oshirgan kundagi AQSh dollarining davlat kursi bo‘yicha hisoblanadi. Bundan tashqari, GM Uzbekistan avtomobillari endi faqat so‘mda sotiladi, lekin narxlar dollarga bog‘langan. Dollarning rasmiy kursi o‘zgarishiga qarab, avtomobillarning narxi ham har hafta o‘zgarib turadi. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Eron AQSHdan 1 trln dollar kompensatsiya talab qildi
Turkiya Isroil prezidenti samolyotini havo hududiga kiritmadi
Kim Chen In harbiylarni jangovar holatda turishga chaqirdi
Ijtimoiy tarmoqlar davrida ruhiy salomatlikni qanday saqlash mumkin?
Shimoliy Koreya Rossiyaga uzoqqa zarba beruvchi qurollar yubordi
Rashida Tolib Kongress a’zolariga «achchiq haqiqat»ning suratini ko‘rsatdi
KXDR Rossiyaga 100 minggacha harbiy yuborishi mumkin
Tyumen oblastiga O‘zbekistondan mehnat migrantlari ishga jalb qilinadi
