13:15 / 17.07.2017
11 725

Amerikaning eng buyuk avtomobillari (Fotogalereya)

«Motor» nashri Amerika avtomobil sanoati tomonidan shu vaqtga qadar ishlab chiqarilgan eng yaxshi mashinalar haqida ma’lumot to‘plab taqdim etdi.

Hennessey Venom GT
Amerikaning eng buyuk avtomobillari (Fotogalereya)
Ushbu avtomobil Lotus Cars’dan bo‘lgan britaniyalik mutaxassislar yordamida yaratilgan bo‘lishiga qaramay, hozirda u Amerika superkarlari orasida eng ko‘zga tashlanadiganlaridan biri hisoblanadi. Uning maksimal tezligi 435 kilometr/soatga teng. General Motors tomonidan ishlab chiqarilgan LS9 dvigateli 1400 ot kuchiga ega.

Cadillac Eldorado

Cadillac kompaniyasining 1959 hamda 1960 yillarda ishlab chiqargan Eldorado modeli haqiqiy klassikaga aylangan. Eldorado kabrioletining uzunligi 5,7 metrdan sal ortadi. 6,4 litrli V8 motori 325 ot kuchiga ega.

Ford Model 18

1932 yildan beri ishlab chiqariladigan, V8 dvigateliga ega Ford Model 18 AQShda ommaviy sotilgan avtomobillarning birinchisi hisoblanadi.

Ford GT40

Ushbu avtomobil Ferrari faoliyatiga zarba berish maqsadida ishlab chiqarilgan edi. GT40 «Le-Man 24 soat» poygalarida 1966 yildan 1969 yilga qadar o‘z raqiblarini ortda qoldirib, etakchilik qilgan.

Hozirda Ford ushbu mashinaning uchinchi avlodini ishlab chiqarmoqda.

Duesenberg J

1929 yilda AQShda Uoll-Strit birjasida sodir bo‘lgan voqea sabab «Buyuk depressiya» boshlangan. Aynan o‘sha vaqtda Duesenberg kompaniyasi J modelini sota boshlagan. 30 yillarda aynan shu model Rolls-Royce’dan ham oldinda turgan va boylik ramzi bo‘lib xizmat qilgan.

Willys MB

Ushbu avtomobil modelidan Ikkinchi jahon urushi vaqtida 700 ming nusxa ishlab chiqarilgan.

1,2 tonna og‘irlikka ega «Villis» soatiga 105 kilometr tezlikda harakatlana olgan.

Chevrolet Corvette

Ushbu ikki o‘rindiqli sportkar AQShda General Motors kompaniyasi tomonidan 1953 yilda Chevrolet markasi ostida ishlab chiqarilgan.

Ford Mustang

1960 yillar o‘rtalarida paydo bo‘lgan ushbu model millionlab avtomobil ishqibozlarining ko‘nglidan joy olgan. Mustang’ning oltinchi avlodi birinchi bor AQShdan tashqarida sotila boshlagan.

Tesla Model S

O‘zining 14 yillik tarixi davomida Tesla kompaniyasi AQShdagi eng qimmat avtomobil ishlab chiqaruvchilaridan biriga aylandi.

Ford Model T

1908 yilda ishlab chiqarilgan Model T o‘z davrida oddiy xalq avtomobiliga aylangan. Uning narxi 825 dollar bo‘lib, barcha raqiblaridan ham arzonga sotilgan. U 1927 yilga qadar ishlab chiqarilgan.

Manba: «Daryo»

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Avto » Amerikaning eng buyuk avtomobillari (Fotogalereya)