O‘zbekiston Respublikasi Bosh vaziri Abdulla Aripovning Germaniyaga rasmiy tashrifi doirasida “O‘zavtosanoat” AK va Volkswagen AG”konserni o‘rtasida JV MAN Auto-Uzbekistan qo‘shma korxonasida Volkswagen Amarok pikaplarini ishlab chiqarishni yo‘lga qo‘yish bo‘yicha kelishuvga erishildi. Loyiha 2018-2019 yillarda amalga oshirilishi rejalashtirilgan.
JV MAN Auto-Uzbekistan Markaziy Osiyodagi MAN rusumidagi yuk va yo‘lovchi tashishga ixtisoslashgan transport vositalari ishlab chiqaruvchi korxona hisoblanadi. 2009 yilning avgust oyida tashkil etilgan kompaniya Samarqand viloyatida joylashgan.
JV MAN Auto-Uzbekistan O‘zbekiston — Germaniya qo‘shma korxonasi hozirda 15 tonnadan 50 tonnagacha yuk ko‘tarish quvvatiga ega zamonaviy MAN tijorat avtotransport vositalarini ishlab chiqarmoqda. Kompaniya, shuningdek, avtobuslar, yuk, beton qoruvchi, suv tashishga ixtisoslashgan mashinalar kabi 50 turdagi maxsus texnikalarni ishlab chiqaradi.
Bosh qarorgohi Germaniyaning Volfsburg shahrida joylashgan Volkswagen AG dunyodagi yetakchi yirik avtomobilsozlik konsernlaridan biri sanaladi. Kompaniya 2016 yilda dunyo bo‘yicha 10,3 milliontadan ko‘proq avtomobil sotgan.
Konsern dunyoga mashhur 20 brendni o‘zida birlashtirgan: Volkswagen, Audi, Seat, Skoda, Bentley, Bugatti, Lamborghini, Porsche, Ducati, Volkswagen, Scania va MAN shular sirasidandir.
Konsernning modellar qatori mototsikllardan tortib, arzon narxlardagi ixcham va hashamatli avtomobillar, avtobuslar va og‘ir yuk mashinalarini qamrab olgan.
Volkswagen Amarok o‘rta o‘lchamdagi pikap bo‘lib, o‘zida yuqori aniqlikdagi boshqaruvchanlik, katta yuk ko‘taruvchanlik jihatlari, 4MOTION to‘liq privodli tizim, 8 pog‘onali uzatmalar qutisi va ushbu toifadagi mashinalar uchun eng kuchli 3 litrli V6 TDI dvigatelini mujassamlashtirgan. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Xalqaro jinoyat sudi Isroil bosh vaziri Netanyaxuni hibsga olishga order berdi
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
Italiya sudi Quddus Isroil poytaxti emasligi haqida qaror chiqardi
22 noyabr kuni Cobalt avtomobiliga shartnoma ochilishi e’lon qilindi
2026 yilda bo‘lajak mundialning favoritlari reytingi taqdim etildi
O‘mon sultonligi elchisi: «Urushlarni harbiy kuch bilan hal qilib bo‘lmaydi»
Shavkat Mirziyoyev Rossiya bosh prokurori bilan uchrashuv o‘tkazdi
