Avtotransport vositalarida tele va videomonitorlardan foydalanishga ruxsat berish taklif etilmoqda. Tegishli petitsiya “Mening fikrim” jamoaviy murojaatlar portalida joylashtirildi.
“Ma’lumki, zamonimiz kundan-kunga rivojlanib bormoqda. Axborot texnologiyalari har bir sohada o‘z o‘rnini mustahkamlamoqda. Xususan, avtomobillar ham zamonaviy texnologiyalar bilan jihozlanib, haydovchi va yo‘lovchilar uchun qulayliklar yaratilmoqda”, - deb yozadi murojaat muallifi.
Ta’kidlanishicha, navigator, kuzatuv kameralari hozirda avtotransport vositalari uchun zarur qurilma hisoblanadi. Xususan, “UzautoMotors” avtozavodida yangi avloddagi Tracker, Malibu, Captiva avtomobillarida ushbu qurilmalar zavod tomonidan o‘rnatilgan holda xaridorlarga yetkazilmoqda.
“Lekin boshqa turdagi avtoulovlarda axborot-ko‘ngilochar tizimi faqat auditizim bilan kifoyalangan. Ko‘pchilik haydovchilar o‘z qulayliklari uchun avtouloviga qo‘shimcha tarzda audiosistema o‘rniga monitorli ko‘ngilochar tizimni o‘rnatishni ma’qul ko‘rishmoqda. Shu orqali, navigator tizimidan foydalanish mumkin bo‘lib, xavfsizlik tizimi uchun ham qulay bo‘lar edi”, - deyiladi petitsiyada.
Yo‘l harakati qoidalarining 12-bandi 7-xatboshiga muvofiq, haydovchi uchun transport vositasi salonining old qismiga, shu jumladan, priborlar paneliga, quyosh soyaboniga va orqa tomonni ko‘rish ko‘zgusiga (faqat tashqi ko‘rinishni tasvirga oladigan videokamera, navigator, videoregistratorlardan tashqari, agar ular haydovchiga ko‘rinishni cheklamasa) tele, video monitorlar o‘rnatish taqiqlangan. Mazkur normaning bekor qilinishi barcha haydovchilar uchun qulaylik yaratishi aytiladi.
“Yuqoridagilar va ilg‘or xorijiy davlatlar tajribasini inobatga olgan holda avtotransport vositalarida tele va video monitorlardan foydalanishdagi amaldagi cheklovlar bekor qilinishini taklif qilamiz”, - deya yakunlangan petitsiya. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Xalqaro jinoyat sudi Isroil bosh vaziri Netanyaxuni hibsga olishga order berdi
Turkiya o‘zining birinchi kvant kompyuterini taqdim etdi
Josep Borrel: “Xalqaro jinoyat sudining Netanyaxuni hibsga olish bo‘yicha qarori ijro etilishi shart”
Metabolizm sekinlashganining belgilari
Husiylar Isroil aviabazasiga gipertovushli raketa bilan zarba berdi
Superliga. OKMK safarda "Paxtakor"ni mag‘lub etdi va 11 yillik qora an’anaga chek qo‘ydi
Har payshanba jismoniy tarbiya va sport kuni sifatida belgilanadi
