«Volga»ni «oyog‘i osmon»da holda qanday qilib haydash mumkin? (video)

^{Kadr: Youtube}
Youtube’dagi «Garaj 54» kanalining novosibrsklik blogerlari avtomobilni «oyog‘ini osmondan» qilib boshqarib ko‘rdi. Rolik mualliflari tajribani o‘tkazish uchun «Volga» tomiga haydovchilar o‘rindig‘i va boshqaruv tepkilarini o‘rnatgan.

Muhandislar «Volga»ni qayta jihozlash uchun avtomobilning tom qismini to‘liq qirqib olgan, kuzovga metall tayanchlar payvandlangan bo‘lib, ularga xavfsizlik kamariga ega sport o‘rindiqlari qotirilgan. Shundan so‘ng, mutaxassislar mashinani boshqarish organlarni qancha masofaga joylashtirishga to‘g‘ri kelishini tekshirib ko‘rgan. Buning uchun improvizatsiya qilingan «arg‘imchoq»qa haydovchi oyog‘ini tepaga qaratilgan holda o‘tqizilgan.

Blogerlar mashina kuzovining orqa qismiga payvandlangan panelga tepkilar uzatmasini qotirgan. Natijada haydovchining bosh qismi rul chambaragiga, oyoqlari esa avtomobilning tom qismiga to‘g‘ri kelgan. Shunday qilib, mashinani boshqarish oson kechmagan. Haydovchi mashinani boshqarishni qaytadan o‘rganishga — o‘ng va chap tomonlar qayerda joylashganini o‘rganishga majbur bo‘lgan. Oxir-oqibat «Volga» ariqqa tushib ketib, tiqilib qolgan. “Zamin” yangiliklarini “Youtube”da kuzatib boring