Ozarbayjonning Hajigabul shahrida 17 sentabr kuni UzAuto Motors va SamAvto zavodi ishlab chiqarish liniyasining tantanali ochilish marosimi bo‘lib o‘tdi. UzAuto Motors matbuot xizmatining ma’lum qilishicha, General Motors bilan o‘zaro kelishuvga erishilgach, UzAuto Motors Chevrolet avtomobillarini Ozarbayjonda sotishni boshlashi haqida e’lon qildi.
Foto: UzAuto Motors matbuot xizmati
Ozarbayjon tarafdan ishlab chiqarish bo‘yicha hamkor sifatida Boku shahri yaqinida joylashgan Hajigabul sanoat kvartali tarkibiga kiruvchi «Azermash SR» ishtirok etdi. Tomonlar o‘rtasida 2021 yil 21 iyulda imzolangan kelishuv sharofati bilan loyihani amalga oshirish uchun imkoniyat yaratildi. 2021 yilning aprel oyida Hajigabul sanoat kvartalining ochilish marosimida Ozarbayjon prezidenti Ilhom Aliyev loyihaga start beruvchi ramziy tugmani bosdi.
Foto: UzAuto Motors matbuot xizmati
Foto: UzAuto Motors matbuot xizmati
Foto: UzAuto Motors matbuot xizmati
Foto: UzAuto Motors matbuot xizmati
«Azermash SR» zavodida ishlab chiqarish liniyasining tantanali ishga tushirilishida O‘zbekiston bosh vaziri moliya-iqtisodiyot va kambag‘allikni qisqartirish masalalari bo‘yicha o‘rinbosari Jamshid Qo‘chqorov onlayn tarzda tantanali nutq so‘zladi. O‘zbekiston delegatsiyasiga «O‘zavtosanoat» boshqaruvi raisi Shavkat Umrzoqov boshchilik qildi. Ozarbayjon tarafdan tadbirda mamlakatning iqtisodiyot vaziri Mikoyil Jabborov ishtirok etdi.
Foto: UzAuto Motors matbuot xizmati
Kompaniya xabarida aytilishicha, hamkorlikning dastlabki bosqichida «Azermash SR»ning ishlab chiqarish quvvatlarida Chevrolet Nexia, Chevrolet Cobalt, ikkinchi bosqichda Chevrolet Damas va Chevrolet Labo avtomobillarini jami 5000 donagacha, SamAvto avtobuslarini esa yiliga 1000 donagacha miqdorda ishlab chiqarish va sotish rejalashtirilgan.
UzAuto Motors’ning Ozarbayjondagi rasmiy distribyutori «Azermash SR»ga ko‘ra, mazkur modellardagi narx, funksionallik va sifatning manfaatli va uyg‘un nisbati ularning o‘ziga xos raqobatbardosh afzalligi bo‘la oladi.
«Ozarbayjonda muvaffaqiyat qozonishga umid bog‘lash uchun bizda yetarli darajada asoslar bor. Ozarbayjon va O‘zbekistonni ko‘p asrlik do‘stlik va yaxshi qo‘shnichilik rishtalari bog‘laydi, qardosh xalqlarimiz qardosh tillarda so‘zlashadi. Urf-odatlarimiz, tariximiz, madaniyat va dunyoqarashimiz mushtarak, hatto biznes va ishbilarmonlik etikasiga bo‘lgan yondashuvimiz ham juda o‘xshash.
Yangi avtomobil zavodi mahsulotlari Ozarbayjon aholisi orasida ommalashishiga, yangilangan Nexia, Cobalt, Damas va Labo, shuningdek, SamAvto avtobuslari ham ularga manzur bo‘lishiga bizda shubha yo‘q», — degan Shavkat Umurzoqov.
Foto: UzAuto Motors matbuot xizmati
Eslatib o‘tamiz, 2020 yil mart oyida Qozog‘istonda Chevrolet avtomobillarini ishlab chiqarish boshlangan edi. Qozog‘istonda SamAvto avtobuslarini ishlab chiqarish 2021 yilning may oyida yo‘lga qo‘yildi. Bundan tashqari, Chevrolet avtomobillarini Tojikistonda ishlab chiqarishni yo‘lga qo‘yish rejalashtirilgan. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
Xonanda Ruxshona uylanmagan yigitga turmushga chiqqani haqida so‘zlab berdi
22 noyabr kuni Cobalt avtomobiliga shartnoma ochilishi e’lon qilindi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
Xalqaro jinoyat sudining orderi Isroilni nega qo‘rqityapti?
