1 742
Toshkentda radar va kamera o‘rnatiladigan 69 ta hudud auksionda salkam 21 mlrd so‘mga sotildi
Toshkentdagi elektron auksionda 7 yanvar kuni radar va kameralar uchun 69 ta ob’ekt sotildi. Bu haqda E-auksion platformasi ma’lumotlariga tayanib, Spot xabar qildi.
Qayd etilishicha, ob’ektlarning umumiy boshlang‘ich bahosi 306,45 million so‘m etib belgilangan. Auksion davomida ularning qiymati 68,5 barobarga oshgan va jami tushum 20,99 milliard so‘mni tashkil etgan.
Uchastkalarning qariyb barchasi uchta xaridor tomonidan sotib olingan. Ularning biri jismoniy shaxs, qolganlari ikkita kompaniya — Microyol va 64-BIT. Savdolar ishtirokchilar stavkalarni doimiy ravishda oshirib borgani hisobiga 10-11 soat davom etgan.
Eng ko‘p lotni 64-BIT xarid qilgan — 43 . Kompaniya ilgari ham radarlar uchun maydonlarni ommaviy ravishda sotib olgandi. Microyol esa 7 ta hududni sotib olgan. Jismoniy shaxs 19 ta uchastka xarid qilgan.
Auksion orqali radar
Tadbirkorlarga joriy yilning 1 martidan boshlab yo‘llarga kameralar va radarlar o‘rnatishga ruxsat berilgan. Yer uchastkalari onlayn auksionlar orqali taqdim etiladi.
Auksion g‘oliblari uchastkalarni boshqa tadbirkorlarga o‘tkazish huquqi bilan cheklanmagan muddatga oladi. 2021—2022 yillarda shu tarzda 3356 ta videokamera va 763 ta radar o‘rnatish rejalashtirilgan.
Bunday lotlar katta talabga ega. Auksion paytida narxlar o‘n martalab oshishi mumkin. Masalan, iyul oyida Xorazmdagi bitta hudud 40 million so‘mga yoki boshlang‘ich bahosidan 27 baravar qimmatga sotib olingan.
Ma’lumot uchun, 2021 yil iyun oyidan boshlab O‘zbekistondagi chorraha va yo‘llarda radar va kameralar qo‘yish joylari auksion orqali savdoga qo‘yilishi boshlandi. 1 iyul kuni E-auksion saytida birinchi bor Toshkent shahrida radar o‘rnatiladigan joylar auksionga chiqarildi. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Orzudagi uy — qishda issiq, yozda salqin. Bunga qanday erishish mumkin?
O‘zbekistonlik 17 yoshli qiz dunyoning yetakchi universiteti olimlari bilan tadqiqot olib bormoqda
Putin Xitoy talabalariga qanday maslahat berdi?
Putin va Si Szinpin uchrashuvidagi "ishora" shtatlarda vahima uyg‘otdi
Messining salkam 1 million dollarga sotilgan salfetkasi haqida
Mansab pillapoyalari: unga kimlar munosib?
Pnevmatik qurollarni o‘z ixtiyori bilan topshirganlar javobgarlikdan ozod etiladi
O‘zbekistonliklar doimiy yashash uchun ko‘proq qaysi davlatlarga ko‘chib ketmoqda?