1 martdan boshlab LADA avtomobillari narxi 3 foizdan 10 foizga oshdi

1 mart kuni «AvtoVAZ» Rossiyada ham, Oʻzbekistonda ham LADA avtomobillari narxini oshirdi. Bu kompaniyaning yangilangan prays listidan ma'lum boʻldi.

Rossiyada narxlar oʻrtacha 15 foizga oshgan boʻlsa, Oʻzbekistonda model qatoriga qarab 3 foizdan 10 foizgacha:

• Vesta narxi endilikda 160,9 mln soʻmdan boshlanadi (+3,8 foiz);
  
• XRAY — 171,9 mln soʻmdan (+3 foiz);
  
• Yangi Largus — 162,9 mln soʻmdan (+5,8 foiz);
  
• Niva Legend — 152,9 mln soʻmdan (+4,8 foiz);
  
• Niva Travel — 204,9 mln soʻmdan (+9,6 foiz).

«AvtoVAZ» narxlarning oshish sababini oshkor qilmadi, ammo bozordagilar bunga nafaqat mikrosxemalar tanqisligi, balki rubl qadrsizlanishi ham sabab boʻlganini aytishmoqda. “Zamin” yangiliklarini “Telegram”da kuzatib boring