AQSHda tunneldagi optik illyuziya haydovchilarni qo‘rqitib yubordi

^{Foto: «Motor»}
Ko‘plab davlatlarda yerosti tunnellari xavf yuqori bo‘lgan hududlar hisoblanib, u yerlarda tezlik rejimi cheklanadi. Biroq AQSH aholisi o‘zlarini shokka solgan optik illyuziya guvohiga aylanishdi. Haydovchilardan biri yo‘lning bir qismini egallagan ulkan jarlikni suratga olish uchun tunnelga kirishda to‘xtagan. Aslida esa u jarlik emas, balki to‘planib qolgan oddiy ko‘lmak suvi bo‘lib chiqqan, deb xabar beradi «Motor.

E’lon qilingan kadrlarda tunnelning burilish qismida avtomobil osonlik bilan tushib ketishi mumkin bo‘lgan ulkan o‘ra hosil bo‘lgandek ko‘rinadi. Shu bilan birga, yerosti yo‘lining aynan shu qismiga yaqinlashuv joyida xavfdan ogohlantiruvchi hech qanday belgi yo‘q. Bir necha soniya o‘tgach, o‘rtacha tezlikda harakatlanib kelgan Toyota va Audi «o‘ra» qarshisida keskin tormoz berib yuborgan.

Avtomobillar to‘siqni bosib o‘tgach, asfaltdagi chuqur «jarlik» nima ekani ma’lum bo‘lgan — u tunnel devorlaridan oqib tushgan suvdan hosil bo‘lgan ko‘lmak. Harkatlanayotgan avtomobillarga hech narsa xavf tug‘dirmayotganini anglagan videorolik muallifi harakatni davom ettirgan.

Eslatib o‘tamiz, 2021 yilning martida Buyuk Britaniyada havoda «muallaq turgan» kemalar suratga olingandi. O‘shanda bunday optik illyuziyalarni Arktikada muntazam uchratish mumkinligi to‘g‘risida xabar berilgandi. “Zamin” yangiliklarini “Odnoklassniki”da kuzatib boring