Hindistondagi tilanchilar QR kodlar orqali sadaqa yig‘a boshladi

^{Foto: Wall Street Journal}
Hindiston sharqida joylashgan Bixar shtatidagi tilanchi Raju Prasad bir necha oy oldin mobil to‘lov ilovalari orqali xayriyalarni qabul qila boshlagan. Bu haqda Wall Street Journal xabar berdi.

42 yoshli odamning so‘zlariga ko‘ra, bu orqali u daromadini ikki barobarga oshirib, qariyb 300 rupiygacha yetkazgan. Bu, taxminan, 4 dollarni tashkil etadi va u Hindistonning eng qashshoq shtati Bihardagi fermerning o‘rtacha kunlik ish haqidan ko‘p.

Yaqinda Raju Prasad temir chelak va orqasiga QR kodi yopishtirilgan planshet kompyuter ko‘tarib yurishni boshladi.

- Odamlar naqd puli yo‘qligini aytib, meni haydab yuborishardi. Endi ular mening QR kodlarimni skanerlashadi va o‘zlari xohlagan kichik miqdordagi pulni mamnuniyat bilan berishadi, — dedi Prasa.

U pulining katta qismini Nyu-Dehli va Mumbay kabi yirik shaharlardan Bettiah stansiyasiga kelgan yo‘lovchilardan topadi.

Bunday tilanchilar Hindistondagi raqamli moliya inqilobining bir qismi ekanligi, mobil to‘lovlarning keskin o‘sishini tushuntirishga yordam beradi.

Hindistonliklar bir muncha vaqtdan beri raqamli moliyaviy xizmatlarga o‘tmoqda. Bu qisman boylik ortib borayotgani, yaxshilangan internet va arzonroq texnologiyalar bilan bog‘liq.

2015 yilda ishga tushirilgan Digital India hukumat va bank xizmatlarini onlayn yo‘lga qo‘yish hamda texnologiyaga sarmoya kiritish orqali mamlakatning kambag‘al qatlamlarini rasmiy iqtisodiyotga jalb etish orqali iqtisodiy o‘sishni maqsad qilgan.

2020 yilning ikkinchi choragida mobil to‘lovlar bankomatlardan pul yechib olishni ortda qoldirdi va Hindiston shaxsiy iste’molining 30 foizini tashkil etgan.

2021 yilda mobil to‘lovlar o‘tgan yilga nisbatan ikki barobardan ko‘proqqa oshib, qariyb 1 trln dollarni tashkil etgan. “Zamin” yangiliklarini “Instagram”da kuzatib boring