Foto: «RIA Novosti»
Panjsher darasida to‘qnashuvlar bo‘lib o‘tdi, buning oqibatida bir kechada 27 nafar toliblar o‘ldirildi. Bu haqda Afg‘oniston Milliy qarshilik fronti (MQF) rasmiy vakili Ali Maysam Nazariy Twitter orqali ma’lum qildi, deb yozadi «RBK».
«Toliblarning Qarshilik fronti pozitsiyalariga hujumi qaytarildi», — deyiladi xabarda. Uning aniqlik kiritishicha, shiddatli janglar Afg‘onistonning Panjsher viloyatidagi uchta tumanda 26 may kuni kechqurun boshlangan.
Aamaj News agentligi manbalariga tayanib xabar berishicha, keskin janglardan keyin «Tolibon» a’zolari talafotlar bilan chekinishga majbur bo‘lgan. Milliy front vakili Sebhatulla Ahmadiy keyinroq MQF maxsus kuchlarining qarshi hujumida olti nafar tolibon o‘ldirilganini ma’lum qildi.
«Tolibon» 2021 yil avgustida Afg‘onistonda hokimiyat tepasiga kelgan edi. AQSH va uning ittifoqchilari o‘z qo‘shinlarini olib ketishni boshlaganidan keyin toliblar hujumga o‘tgan edi. Ular navbat bilan yirik shaharlarni egallab, avgust o‘rtasida Kobulga kirdi va davlat to‘liq egallab olinganini e’lon qildi. Prezident Ashraf G‘ani BAAga qochib ketdi.
Qarshilik kuchlari Panjsher viloyatiga to‘plandi. Unga afg‘on urushi davrlaridagi qo‘mondon Ahmadshoh Mas’udning o‘g‘li Ahmad Mas’ud va G‘ani qochib ketganidan keyin o‘zini davlat rahbari deb e’lon qilgan Afg‘oniston vitse-prezidenti Amrulla Solih rahbarlik qildi. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
AQSH Isroilning ikki vaziriga sanksiya qo‘llamoqchi
Erdo‘g‘on Turkiya Isroil bilan aloqalarini uzganini ma’lum qildi
Donald Tramp 27 yoshli Karolin Levittni Oq uy matbuot kotibi etib tayinlamoqchi
Borrel YEIning Isroil bilan muloqotini to‘xtatishni taklif qildi
Yaxshi pishgan va mazali anor tanlashga yordam beradigan tavsiyalar
AQSH harbiylari orasida o‘z joniga qasd qilish ko‘paydi
Rossiya armiyasi Kupyanskka kirgani aytilmoqda
Buyrak salomatligi uchun eng foydali sabzavot...
