Ukraina Qora dengizdagi Zmeiniy orolini qaytarib oldi

^{Zmeiniy oroli
Foto: Google Photos}
Rossiya Mudofaa vazirligi Ukrainaga hujum boshlanganda egallangan Qora dengizdagi Zmeiniy orolidan Rossiya harbiylarining olib chiqilishini «yaxshi niyatdagi qadam» deb atadi.

Kiyevda bu bayonot yolg‘on deb baholandi, Ukraina prezidenti devonining rahbari Andrey Yermakning so‘zlariga ko‘ra, rossiyaliklar Ukraina Qurolli kuchlari tomonidan oroldan chiqarib yuborilgan. Shuningdek, u Rossiya qo‘shinlari Dnepropetrovsk viloyatidagi don omborini o‘qqa tutgani haqida xabar berdi.

Avvalroq Rossiya Mudofaa vazirligining rasmiy vakili Igor Konashenkov «shunday qilib, Rossiya BMTning Ukraina hududidan qishloq xo‘jaligi mahsulotlarini eksport qilish bo‘yicha gumanitar yo‘lak tashkil etish harakatlariga to‘sqinlik qilmasligi jahon hamjamiyatiga namoyish etildi. Bu qaror Kiyevga yaqinlashib kelayotgan oziq-ovqat inqirozi, Qora dengizning shimoliy-g‘arbiy qismi Rossiyaning to‘liq nazorati tufayli donni eksport qilishning iloji yo‘qligi haqida spekulyatsiya qilishiga yo‘l qo‘ymaydi» deya bayonot bergan edi.

Ukraina Qurolli kuchlari bosh qo‘mondoni Valeriy Zalujniyning aytishicha, orolni rus harbiylaridan ozod qilishda muhim rolni ukrain quroli (Ukrainaning 155 mm «Bogdan» kalibrli o‘ziyurar eksperimental gaubitsasi) va xorijiy tizimlar o‘ynagan. Zarbalar tungi vaqtda raketa va artilleriya bo‘linmalari tomonidan amalga oshirilgan. “Zamin” yangiliklarini “Vkontakti”da kuzatib boring