Rossiya 2021 yilda 14,6 mlrd dollarlik qurol sotdi

^{Foto: TASS}
2021 yilda Rossiya qurol yetkazib berish «rejasini to‘liq bajardi». Bu haqda Rossiya harbiy-texnik hamkorlik bo‘yicha federal xizmati rahbari Dmitriy Shugayev ma’lum qildi.

«Yillik reja to‘liq bajarildi, xorijlik hamkorlarga 14,6 mlrd dollarlik qurol va harbiy-texnika yetkazib berildi», — dedi Shugayev.

Uning so‘zlariga ko‘ra, oxirgi o‘n yildan buyon Rossiya yiliga 14-15 mlrd dollarlik qurol sotmoqda.

Ma’lumotlarga ko‘ra, Rossiya Suriya, Misr, Hindiston, Xitoy, Jazoir, Qozog‘istonga qurol eksport qiladi.

2017–2021 yillarda Rossiya qurol eksport qilish bo‘yicha dunyoda ikkinchi o‘rinni egalladi – uning ulushi 19 foizni tashkil etdi. Birinchi o‘rinda AQSH (39 foiz), uchinchi o‘rinda Fransiya (11 foiz), to‘rtinchi o‘rinda Xitoy (4,6 foiz), beshinchi o‘rinda Germaniya (4,5 foiz) turibdi. “Zamin” yangiliklarini “Telegram”da kuzatib boring