Erdoʻgʻan va Toʻqaev stol tennisi oʻynadi, Lukashenko palov pishirishni oʻrgandi

^{Foto: Oqoʻrda}
Rajab Toyyib Erdoʻgʻan rasmiy davlat tashrifi bilan Qozogʻistonga bordi va Qosim-Joʻmart Toʻqaev bilan uchrashdi.
Turkiya va Qozogʻiston prezidentlari rasmiy tadbirlardan soʻng, norasmiy muhitda stol tennisi oʻynadilar.

^{Foto: BORT N1 /Telegram}
Erdoʻgʻan va Toʻqaev shu yilning may oyida ham Turkiyada uchrashib, stol tennisi oʻynagan edilar.

^{Foto: BORT N1 /Telegram}
Ushbu sport turida raketka an'anaviy tarzda ikki xil usulda ushlanadi: yevropacha va xitoycha. Oʻyin davomida Toʻqaev raketkani yevropacha usulda ushlagan boʻlsa, Erdoʻgʻan noa'nanaviy ushlash usulidan foydalanib, e'tibor qozondi.

Belarus prezidenti Aleksandr Lukashenko ayni paytda rasmiy davlat tashrifi bilan Tojikistonda boʻlib turibdi.

11 oktyabr oqshomida u Tojikiston prezidenti Emomali Rahmon bilan hukumat qarorgohida norasmiy tarzda uchrashdi.

Davlat rahbarlari dastlab qarorgohni aylanib, qishloq xoʻjaligi mahsulotlari va Tojikiston milliy taomlari koʻrgazmasini tomosha qilishdi.

^{Foto: Pul Pervogo/Telegram}
Sayrdan soʻng Belarus rahbari palov tayyorlanish jarayonini kuzatdi va oshpazdan taomni tayyorlash sirlarini soʻradi. Shuningdek, oʻzi ham kapgirni qoʻliga olib, palov tayyorlash jarayonida ishtirok etdi. “Zamin” yangiliklarini “Telegram”da kuzatib boring