Kecha, 27 dekabr kuni Fors ko‘rfazi davlatlaridan biri Quvaytda do‘l, Saudiya Arabistonida esa qor yog‘di. Bu haqda Anadolu agentligi xabar berdi.
Saudiya Arabistoni rasmiy xabar agentligiga ko‘ra, mamlakat shimoli-g‘arbidagi Tabuk mintaqasida tundan beri qor tinmagan.
Quvayt meteorologiya instituti deyarli 60 mm yoki kvadrat metrga 55 kilogramm yog‘ingarchilikni qayd etdi. Yomg‘irdan keyin kuchli bo‘ron paydo bo‘ldi. Mamlakatning janubiy qismida esa do‘l yoqqan.
Levz tog‘lari hududi sovuq havo to‘lqinidan keyin oppqo qor bilan qoplangan.
Qo‘shni Iordaniyada dushanba kuni kuchli yomg‘ir natijasida ba’zi joylarda ko‘chkilar sodir bo‘ldi. Yo‘llar transport harakati uchun yopildi.
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
