Ishonchimiz komilki, boy va muvaffaqiyatli tadbirkorlarning nonushtasi qanday bo‘lishini bilmaysiz. Ushbu maqolada nafaqat millionerlarning nonushtalarini ko‘rib chiqamiz, balki shifokor-diyetologdan professional muvaffaqiyatingiz kaliti bo‘ladigan mukammal nonushta retseptini o‘rganamiz.
Richard Brenson
Britaniyalik biznes-magnat Richard Brenson qovurilgan tuxum, pomidor, qo‘ziqorin, non va kolbasadan iborat an’anaviy nonushtani yoqtirmaydi. Buning o‘rniga Virgin Group asoschisi kunni mevali salat yoki quritilgan meva va yong‘oqli myussli bilan boshlaydi.
Payal Kadakia
ClassPass Fruits fitnes startapining asoschisi va bosh direktori ham kunini sog‘lom ovqatlanish bilan boshlaydi. U mashhur qahvaxonalar tarmog‘idagi mevalar, vitamin qo‘shimchalari va sitrusli ko‘k choyni o‘z ichiga oladi. Ko‘rib turganimizdek, hatto “yo‘l-yo‘lakay nonushta” ham nafaqat mazali, balki foydali bo‘lishi mumkin.
Ket Koul
Taxmin qilish mumkinki, 26 yoshida Cinnabon novvoyxonalari xalqaro tarmog‘ini boshqargan Ket Koul sog‘lom turmush tarzi tarafdori. U to‘g‘ri ovqatlanishning barcha qoidalariga muvofiq nonushta qiladi — tuxum oqi, avocado, tost va mevalar.
Jon Makki
Whole Foods Market asoschilaridan biri karamni yaxshi ko‘radi. Nonushtada Jon bodom, jo‘xori, guruch yoki soya sutidan kokteyl tayyorlaydi, unga yangi meva, karam yoki ismaloq qo‘shadi. U, shuningdek, sayohat qilganda har doim o‘zi bilan guruch pishirgichini olib yuradi, chunki u bo‘tqalarni yaxshi ko‘radi.
Bill Geyts
Boshqalardan farqli ravishda Bill Geyts diyetologlarning barcha tavsiyalariga tupurgan. Uning sobiq rafiqasi Melindaning so‘zlariga ko‘ra, tadbirkorning ko‘pincha nonushta qilishga vaqti bo‘lmaydi. Billning o‘zi bir marta o‘rta maktab o‘quvchilari bilan bo‘lgan suhbatida uning sevimli nonushtasi sutga solingan shokolad bo‘laklari ekanligini aytadi.
Tushlikda fastfud yeydigan Bill Geyts, yuqorida aytganimizdek, umuman xijolat tortmaydi. Uning menejeri Jo Serellaning aytishicha, milliarderning xizmat safarlarining o‘ziga xos belgisi Diet Cola qutilaridir. “Tushlik uchun ham chizburger. Kim bo‘lishingizdan qat’i nazar, agar siz Bill bilan tushlik qilayotgan bo‘lsangiz, burger yeysiz. U har doim eng yaqin McDonald’sga kimnidir yuboradi. Menimcha, Melinda unga uyda fastfud yeyishni taqiqlagan”, — deya qo‘shimcha qiladi u.
Ilon Mask
Tesla va Space X asoschisini ham sog‘lom ovqatlanadi deb atash qiyin. Ilon Mask nonushtani o‘tkazib yuboradi yoki nonushtada omlet bilan kofe ichadi.
Murakkab uglevodlar
Uglevodlar glyukoza manbayi bo‘lib, uni organizm energiyaga aylantiradi. Ideal tadbirkorning nonushtasida qondagi shakar miqdorini oshirib yubormaydigan uglevod bo‘lishi kerak. Bunda ovsyanka va javdarli tost yaxshi tanlov.
Hayvon yoki o‘simlik oqsili
Sosiska va kolbasa — tuxum yoki tost bilan birlashtirishni yaxshi ko‘radiganlar uchun eng keng tarqalgan ingredientlar. Biroq shifokorning so‘zlariga ko‘ra, ular juda ko‘p xolesterin va yog‘larni o‘z ichiga oladi, shuning uchun kun davomida sizga kerakli energiyani bermaydi.
Mevali smuzi yoki tabiiy sharbat
Ertalabga qahva ham yaxshi variant, ammo birozdan so‘ng u beradigan quvvat tugaydi va ko‘pchilik kofega o‘rganib qoladi. Shuning uchun ovqatlanish mutaxassisi, organizmni energiyaga to‘ldirish va tushda charchab qolmaslik uchun nonushtaga smuzi yoki bir stakan tabiiy sharbatga o‘rganishni maslahat beradi.
