Qozog‘iston prezidenti Qosim-Jo‘mart To‘qayev Respublika yerlari xorijliklarga sotilayotgani haqidagi xabarlarni yolg‘on va dezinformatsiya deb atadi. Bu haqda u Turkistondagi Milliy qurultoyda so‘zlagan nutqida ma’lum qildi.
“Yer — asosiy boyligimiz. Uningsiz davlatimiz ham bo‘lmaydi. Ajdodlarimiz bizga ulkan hududni meros qilib qoldirgan. Uni asrab-avaylab, obod qilish majburiyatimiz. Ba’zida yerimiz xorijliklarga sotilmoqda, degan fikrni eshitish mumkin.
Bu yolg‘on va dezinformatsiya. Yer masalasida biz qonun bilan mustahkamlangan fundamental qaror qabul qildik. Bir qarich ham, bir hovuch ham yerimiz chet elliklarga berilmaydi. Biz uni ko‘z qorachig‘idek asraymiz”, — dedi u.
To‘qayevning so‘zlariga ko‘ra, chegara hududlaridagi vaziyat bevosita mamlakat hududiy yaxlitligi va farovonligiga ta’sir qiladi.
“Bu strategik ahamiyatga ega masala. Afsuski, ayrim chegaradosh aholi punktlarida aholi soni keskin kamayib ketdi. Bunga, jumladan, o‘sha paytdagi ayrim hududlarni birlashtirish to‘g‘risida qabul qilingan qaror ham ta’sir ko‘rsatdi. O‘tgan yili biz Abay, Ulitau va Jetisu viloyatlarini yaratdik. Bu qadam ushbu hududlarning rivojlanishiga kuchli turtki berdi”, — dedi Qozog‘iston prezidenti.
“Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Kuniga nechta olma yeyish mumkin? Ommabop mevaning zararli xususiyatlari
O‘zbekiston Turkmaniston va Turkiya bilan mudofaa sohasida hamkorlik qiladi
Hindiston BMTni isloh qilishga chaqirdi
Dunyodagi eng baxtli shaharlar reytingi e’lon qilindi
Tramp Eron tomonidan o‘lim tahdidi haqida ogohlantirildi
Oyatulloh Xomanaiy: “Yo‘qotishlarga qaramay, “Hizbulloh” kuchli bo‘lib qoladi”
Shvetsiya Eronni Qur’on yoqib yuborilgani uchun qasos olganlikda ayblamoqda
Tramp Zelenskiyning AQSHga tashrifi chog‘ida u bilan uchrashishdan bosh tortdi