12:10 / 26.06.2016
8 254

Germaniyada sanitar yigit zerikkani uchungina 33 bemorning hayotiga zomin bo‘ldi

Germaniyada sanitar yigit zerikkani uchungina 33 bemorning hayotiga zomin bo‘ldi
Yovuz tibbiyot xodimi umrbod qamoq jazosiga hukm qilindi

Nemis izquvarlari umrbod qamoq jazosiga hukm qilingan jinoyatchini 33 bemordan tashqari yana 2 kishining o‘limida ham gumon qilmoqda, deb xabar beradi RIA Novosti.

Xabar qilinishicha, 2015 yilning fevral oyida sud Nils X.ni ikki kishining o‘limida va yana uch kishining hayotiga daxl qilishda ayblab, umrbod qamoq jazosini tayinlagan edi.

Aniq ma’lumotlarga qaraganda, Delmenxorst yaqinidagi Bremen shahridagi kasalxonada ishlagan sudlanuvchi yana 30 dan ortiq bemorning boshiga etganini tan olgan. U bemorlarga o‘limga olib kelish darajasidagi dozada dori bergan. Yana u Oldenburgdagi kasalxona bemorlariga ham shu usulni qo‘llaganligini aytgan.

Nils X. tan olishicha, zerikkani uchungina 90 nafar bemorga o‘limga olib kelish darajasidagi dozada dori yuborgan. Keyin o‘zini boshqa hizmatchilar orasida ularni qutqarib qolgan qilib ko‘rsatmoqchi bo‘lgan.

Surishtiruv ishlarini olib borish davrida jasadlarni qayta tekshirish ularning tanasida o‘limga sabab bo‘lgan dorilar borligini ko‘rsatdi. Oldenburg prokurori Tomas Sanderning aytishicha, aslida, Nils tufayli hayotdan ko‘z yumgan bemorlar soni bundanda ko‘p. Qidiruv ishlari hali uzoq davom etadi. Bu davr mobaynida yuzlab kasallik tarixlari o‘rganiladi va keyin boshqa jasadlar ham ochib ko‘riladi.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Dunyo » Germaniyada sanitar yigit zerikkani uchungina 33 bemorning hayotiga zomin bo‘ldi