Illustrativ foto: iStock
Alp tog‘larida aprel oyida 26 yoshli yigitni o‘ldirgan jigarrang ayiq Italiyada sudlanmoqda. Bu haqda Reuters xabar bermoqda.
Italiya sudi “qotil” ayiqni evtanizatsiya qilishni buyurgan quyi sudning qarorini to‘xtatdi. Rim ma’muriy sudi sudyalari ayiq jamoat xavfsizligi uchun asirlikda saqlanishi kerakligi va o‘ldirish tartibi “nomutanosib” va keraksiz ekanini aytdi.
Voqea sodir bo‘lgan Trento provinsiyasi rahbari ayiqni yo‘q qilish kerakligini aytdi, hayvonlar huquqlarini himoya qiluvchi tashkilotlar esa bunga qarshi kurashdi. Ayiq bo‘yicha yakuniy qaror dekabr oyida bo‘lib o‘tadigan navbatdagi yig‘ilishdan oldin e’lon qilinishi kutilmoqda.
Qayd etilishicha, shimoliy Trento shahri atrofidagi tog‘li hududda 1999 yilda Yevropa tabiatini tiklash bo‘yicha Yevropa Ittifoqi dasturi doirasida ayiqlar yashagan. Biroq, bundan keyin odamlarga ayiq hujumi bilan bog‘liq bir necha hodisalar sodir bo‘lgan.
Mahalliy hokimiyat ma’lumotlariga ko‘ra, 2021 yilda Trento hududida 100 ga yaqin yovvoyi ayiqlar bo‘lgan va 2015 yildan buyon ularning soni yiliga taxminan 10 foizga oshib bormoqda. Gubernator Mauritsio Fugattining aytishicha, optimal raqam 50 ga yaqin va uning viloyatida hozirda 70 ga yaqin“ortiqcha” ayiq bor.
“Zamin” yangiliklarini “Vkontakti”da kuzatib boring
