Foto: Anadolu
SpaceX va Tesla kompaniyalari asoschisi, amerikalik milliarder Ilon Maskning aytishicha, Twitter'ning pul oqimi manfiy ko‘rsatkichda, chunki reklamadan tushgan daromad 50 foizga kamaygan.
Reuters ma’lumotlariga ko‘ra, Twitter pul oqimi reklamadan tushum kamligi va og‘ir qarz yuki tufayli manfiy bo‘lib qolmoqda, bu esa Maskning Twitter'ni martdan iyun oyiga qadar musbat pul oqimiga o‘tkazish haqidagi kutilmalariga mos kelmaydi.
Mask Twitter iyun oyida kutilgan reklama daromadiga erishmaganini tasdiqladi va “iyul bir oz istiqbolli”, deb qo‘shimcha qildi. Maskning so‘zlariga ko‘ra, Twitter Spaces ham hali daromad keltirmagan — u to‘liq pullik.
Bu Mask Twitter'ni oktyabr oyida sotib olganidan beri xarajatlarni qisqartirish bo‘yicha agressiv choralar kompaniyani musbat pul oqimiga olib kirish uchun yetarli emasligiga isbot bo‘ldi.
Maskning ta’kidlashicha, minglab xodimlarni ishdan bo‘shatib, onlayn to‘lovlarni qisqartirgandan so‘ng, kompaniya 2023 yilga rejalashtirilgan 4,5 milliard dollar xarajatlarini 1,5 milliard dollargacha qisqartirgan. Shu bilan birga, Twitter qarz tufayli yiliga 1,5 milliard dollarga yaqin foiz to‘lovlariga duch kelmoqda.
2023 yilning iyul oyida Twitter foydalanuvchilari yangi Threads ijtimoiy tarmog‘iga o‘tishni boshladi. Threads'da allaqachon 100 million foydalanuvchi ro‘yxatdan o‘tgan.
“Zamin” yangiliklarini “Telegram”da kuzatib boring
