Pushkov AQSH nima sababdan BRICSdan qo‘rqayotganini oshkor qildi

AQSH ma’muriyati BRIKSni o‘zining geosiyosiy raqibi sifatida ko‘rmasligini aytib, o‘z nufuzini saqlab qolishga harakat qilmoqda, dedi senator Aleksey Pushkov o‘zining telegram-kanalida.

Avvalroq AQSH prezidentining milliy xavfsizlik bo‘yicha maslahatchisi Jeyk Sallivan "Qo‘shma Shtatlar BRIKSni potensial geosiyosiy raqib sifatida ko‘rmaydi" degan edi.

"AQSH ma’muriyati BRIKSni geosiyosiy raqib deb hisoblamasligini aytib, o‘z obro‘sini saqlab qolishga harakat qilmoqda. Biroq BRIKS davlatlari G7da bo‘lmagani uchun ushbu tashkilot geosiyosiy rol o‘ynashi muqarrar”, - dedi Pushkov.

Uning fikricha, BRIKSga a’zo davlatlar va unga qo‘shilmoqchi bo‘lgan barcha nomzodlar (23ta davlat) G‘arbning Rossiyaga qarshi sanksiyalarini qo‘llab-quvvatlashdan bir ovozdan bosh tortishining o‘zi — “allaqachon geosiyosat harakatidir”. BRIKS ichida "O‘zaro hisob-kitoblarda dollardan voz kechishga chaqiriqlar kabi", deb qo‘shimcha qildi senator.

Eslatib o‘tamiz, BRIKS sammiti 22-24 avgust kunlari Janubiy Afrikaning Yoxannesburg shahrida bo‘lib o‘tmoqda. Unda Xitoy, Hindiston, Braziliya va Janubiy Afrika yetakchilari, Rossiyadan tashqi ishlar vaziri Sergey Lavrov ishtirok etmoqda. Rossiya prezidenti Vladimir Putin sammitda videokonferensiya orqali ishtirok etmoqda.

BRICS — Braziliya, Rossiya, Hindiston, Xitoy va Janubiy Afrikani birlashtiruvchi tashkilotdir. Yoxannesburgda bo‘lib o‘tgan sammitning birinchi kuni yakunida yana besh davlatni qo‘shib olishga qaror qilingani ma’lum bo‘ldi: Saudiya Arabistoni, Argentina, Eron, BAA, Misr. Bugungi kunda jami 23 davlat ushbu iqtisodiy yo‘nalishli tashkilotga qo‘shilish istagini bildirgan.

Шухрат Раззаков

«ZAMIN.UZ» muharriri