8 noyabr kuni Yaponiya Imperatori Naruxito O‘zbekiston Prezidentining tashqi siyosat masalalari bo‘yicha maxsus vakili Abdulaziz Komilovni “Chiqayotgan quyosh katta kordon” ordeni bilan mukofotladi. Mukofot Tokiodagi Imperator qarorgohida tantanali tarzda topshirilgan.
Mahalliy OAVlarga ko‘ra, Yaponiyaning eng qadimiy mukofotlaridan biri hisoblangan “Chiqayotgan quyosh katta kordon” ordeni — Abdulaziz Komilovga ikki davlat o‘rtasidagi do‘stona munosabatlarni mustahkamlashga qo‘shgan ko‘p yillik hissasi uchun berilgan.
Ordenni Yaponiya imperatori Naruxito – mamlakat bosh vaziri Fumio Kishido ishtirokida topshirdi. Mukofot, shuningdek bir qancha mahalliy amaldorlarga ham topshirilgan.
Orden Yaponiyadagi eng qadimgi (1875 yildan beri beriladi) va mamlakatning eng oliy mukofoti hisoblanadi. U olti darajaga ega (katta lentadagi orden — eng yuqori daraja).
“Zamin” yangiliklarini “Telegram”da kuzatib boring
