Nikaragualik 23 yoshli Sheynnis Alondra Palasios Kornexo 72-xalqaro “Koinot goʻzali” tanlovida gʻolib boʻldi. Taqdirlash marosimi 19 noyabr kuni El Salvadorda boʻlib oʻtdi.
Ikkinchi va uchinchi oʻrinlarni Tailand vakili Anntoniya Porsild va avstraliyalik ishtirokchi Moriya Uilson egalladi. Bu yilgi musobaqada 84 davlatdan qizlar ishtirok etdi.
Palasios 2000 yil 31 mayda Nikaragua poytaxti Managua shahrida tugʻilgan. U Markaziy Amerika universitetida oʻqigan va ommaviy kommunikatsiyalar boʻyicha bakalavr darajasiga ega. Qizning boʻyi 180 santimetr. Boʻsh vaqtlarida Palasios voleybol bilan shugʻullanadi.
2016 yilda u “Miss Nikaragua oʻsmiri” tanlovida ishtirok etgan, shundan soʻng u Nikaraguani “Teen Universe”da (“Yoshlar koinoti”da) namoyish etgan va u erda birinchi oʻntalikka kirgan. 2020 yilda u “Dunyo goʻzali Nikaragua” tanlovida birinchi oʻrinni egallagan va bir yil oʻtgach, qiz “Dunyo goʻzali-2021” da eng yaxshi 40 ta model safiga kirgan.
Joriy yilning 5 avgust kuni Palasios “Miss Nikaragua-2023” tanlovida gʻolib boʻldi va bu unga “Koinot goʻzali” tanlovida mamlakat vakili boʻlish huquqini berdi.
