Foto: Emirates News Agency
2023 yilda dunyodagi eng badavlat oila 305 milliard dollar boyligi bilan Birlashgan Arab Amirliklarining hukmron sulolasi Ol Nahayon bo‘ldi. Bu haqda Bloomberg xabar berdi.
Reytingda ikkinchi o‘rinda Walmart do‘konlar tarmog‘i asoschisi Sem Uolton oilasi (259,7 milliard), uchinchi o‘rinda Hermes hashamatli tovarlar brendi egalari Ermes oilasi (150,9 milliard) joylashdi.
Ulardan keyingi o‘rinlarni 141,9 milliard dollar boylik bilan Mars brendiga egalik qiluvchi Mars oilasi, shuningdek, Qatarning hukmron shayxlar va amirlar sulolasi As-Soniy (133 milliard) oilasi egalladi.
Agentlikning qayd etishicha, ayrim oilalarning boyib ketishiga neft sohasiga aloqadorlik sabab bo‘lgan. Umuman olganda, dunyoning 25 ta eng badavlat oilasi bir yil ichida 1,5 trillion dollar pul ishlagan, bu 2022 yildagi eng badavlat oilalar boyligidan 43 foizga ko‘p.
Shu bilan birga, 2023 yil boshidan beri Rossiyaning eng badavlat kishilari umumiy boyligi 38,5 milliard dollarga oshgan. «Lukoyl» asoschisi Vagit Alekperov hammadan ko‘ra boyib ketdi. Yanvardan dekabrgacha uning boyligi 9,14 milliard dollarga oshib, 24,5 milliard dollarga yetdi. «Interros» boshqaruv kompaniyasining egasi va prezidenti Vladimir Potanin Rossiyaning eng boy odami bo‘lib qolmoqda. Tadbirkor 30,7 milliard dollar davlati bilan rossiyalik milliarderlar reytingida yetakchilik qilmoqda.
“Zamin” yangiliklarini “Telegram”da kuzatib boring
