Saudiyaliklar Rimning “Roma” klubini sotib olishga tayyorlanmoqda

Saudiyaliklar Rimning “Roma” klubini sotib olishga hozirlik ko‘rmoqda. Avvalroq Rim jamoasi Riyadh Season bilan 2 yillik homiylik shartnomasi imzolagan edi. 24 yanvar kuni esa “Ash-Shabob” bilan o‘rtoqlik o‘yinida ishtirok etdi (2:1).

Endi saudiyaliklar “Roma”ni klubga 800 million yevro sarmoya kiritgan va yozda uni Yaqin Sharq konsorsiumiga 1 milliardga sotishdan bosh tortgan amerikalik tadbirkor Den Fridkindan sotib olmoqchi.

Xabarga ko‘ra, tomonlar o‘rtasidagi muzokalar allaqachon boshlangan, “Roma” yuridik bo‘limi boshlig‘i allaqachon Ar-Riyodga yetib borgan.

“Roma”ning ehtimoliy egalaridan biri “Nyukasl”ga egalik qiluvchi Saudiya Arabistoni Suveren Jamg‘armasi (PIF) bo‘lib, ikkinchi esa rimliklar bilan homiylik shartnomasida ishtirok etgan Saudiya Arabistonida ko‘ngilochar o‘yinlar bosh boshqarmasi raisi Turki al ash-Shayxdir.

Saudiyaliklar klubni 900 million yevroga xarid qilmoqchi. Shuningdek, yangi stadion g‘oyasi ma’qullansa, yana 300 million yevro sarmoya kiritadi. “Zamin” yangiliklarini “Telegram”da kuzatib boring