Avstriyada yuqori tezlikda harakatlangan mashinalar musodara qilinadi

^{Foto: dpa}
Avstriyada 1 martdan boshlab yangi qoidalar ishga tushdi. Endi aholi punktlari bo‘ylab ruxsat berilgan 80 km/soat tezlikdan, shahar tashqarisida esa 90 km/soatdan tezroq harakatlanayotgan haydovchilarning avtomobillari musodara qilinadi. Mazkur mashinalar keyinchalik auksionda sotiladi. Bu haqda Deutsche Welle xabar berdi.

Germaniya avtomobil klubi (ADAC) ogohlantirishiga ko‘ra, muqaddam yuqori tezlik sodir qilganlik uchun sudlangan shaxslar aholi punktlarida 60 km/soatdan yuqori, shahardan tashqarida esa 70 km/soatdan tez harakatlansa ham jazolanadi. Agar avtomobil ijaraga olingan bo‘lsa, u 14 kun muddatga olib qo‘yilishi mumkin.

Avstriyada ruxsat berilgan tezlik chegarasidan 30 km/soat oshirgan haydovchilar kamida 150 yevro jarima to‘laydi. Qoidalarni takroran buzganlar uchun jarima 5000 yevrogacha bo‘lishi mumkin.

Avstriyada 3,5 tonnagacha bo‘lgan tirkamasiz yengil avtomobillar uchun aholi punktlarida maksimal tezlik 50 km/soat, shahardan tashqarida esa 100 km/soat etib belgilangan. “Zamin” yangiliklarini “Telegram”da kuzatib boring