Foto: Hans Lucas/AFP/Getty Images
Yevropa razvedka xizmatlari o‘z hukumatlarini Rossiya tomonidan Yevropa qit’asi bo‘ylab uyushtirilishi mumkin bo‘lgan diversiyalar tahdidi haqida ogohlantirdi, deb yozadi Financial Times (FT) 5 may, yakshanba kuni Yevropaning uch razvedka xizmati vakillariga tayanib.
Moskva tinch aholining o‘limi haqida o‘ylamasdan, portlashlar va o‘t qo‘yish orqali Yevropa infratuzilmasiga zarar yetkazishni faol rejalashtira boshladi, deya aniqlik kiritadi nashr. Gazeta manbalarining ta’kidlashicha, Rossiya Ukrainaga ko‘rsatayotgan yordami tufayli G‘arb bilan doimiy mojaro kursiga o‘tdi.
Kreml agentlari bunday operatsiyalarning uzoq tarixiga ega bo‘lsa-da, yanada tajovuzkor va kelishilgan sa’y-harakatlarning dalillari ortib bormoqda, deb yozadi Financial Times bir qator Yevropa davlatlarining ekspert baholariga asoslanib.
2024 yilda bir nechta diversiyalar qayd etilgan
FT o‘z nashrida so‘nggi paytlarda Yevropa mamlakatlarida sodir etilgan qo‘poruvchilik harakatlarining bir nechta misollarini keltirdi. Xususan, aprel oyining oxirida Britaniyada ikki kishi Ukraina uchun yordam materiallari saqlangan omborda yong‘in keltirib chiqardi. Ingliz prokuraturasi ularni Rossiya hukumati uchun ishlaganlikda aybladi.
Shvetsiyada xavfsizlik xizmatlari Rossiya tomonidan qo‘llab-quvvatlangan qo‘poruvchilik harakatlari deb taxmin qilingan bir qator poyezd falokatlarini tekshirmoqda. Kreml agentlari Chexiya temiryo‘llaridagi signalizatsiya tizimlarini ham yo‘q qilishga uringan, deb yozadi nashr Chexiya transport vazirining so‘zlariga asoslanib.
Estoniyada fevral oyida ichki ishlar vazirining mashinasiga va jurnalistlarga uyushtirilgan hujum rossiyalik razvedka xodimlari tomonidan amalga oshirilgan, deb xabar qildi mamlakat xavfsizlik xizmati. Fransiya Mudofaa vazirligi, shuningdek, Rossiyaning harbiy obyektlarga diversion hujumlari ehtimoli haqida ogohlantirdi.
«Aniq xulosa shuki, Rossiya faolligi haqiqatan ham oshgan», dedi Chatham House tahlil markazining katta ilmiy xodimi Key Jayls.
Rossiyaning Germaniya zarariga qaratilgan diversiya harakatlari - tizimli
Rossiya «doimiy tarzda»Germaniya manfaatlariga zarar yetkazadigan josuslik va diversion faoliyatni amalga oshiryapti. Bu haqda aprel oyi oxirida DW muxbiri bilan suhbatda Germaniya Konstitutsiyasini himoya qilish federal idorasi (BfV) rahbari Tomas Xaldenvang ma’lum qildi. «Eng shafqatsiz vositalar bilan urush olib borishga tayyor bo‘lgan mamlakat diversiyadan ham top tortmaydi», dedi Germaniya razvedka xizmati rahbari Rossiya haqida.
Xaldenvangning aniqlik kiritishicha, Rossiya Federatsiyasi bunday faoliyatni o‘z agentlari tomonidan emas, balki safar qiluvchi agentlar yoki «yashirin ishlab, Germaniyaga biznesmen, jurnalist yoki olim sifatida ketgan, lekin aslida josuslik bilan shug‘ullangan» odamlar tomonidan amalga oshiradi. «Eng shafqatsiz usullar bilan urush olib borishga tayyor bo‘lgan mamlakat diversiyadan top tortmaydi, bu borada Germaniyada bunday ssenariyga tayyor bo‘lishimiz kerak», dedi federal departament rahbari. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
O‘zbekistonlik 17 yoshli qiz dunyoning yetakchi universiteti olimlari bilan tadqiqot olib bormoqda
Ukraina prezidenti mahbuslarni safarbar qilish to‘g‘risidagi qonunni imzoladi
Messining salkam 1 million dollarga sotilgan salfetkasi haqida
O‘zbekistonliklar doimiy yashash uchun ko‘proq qaysi davlatlarga ko‘chib ketmoqda?
Shimoliy Koreya yangi ko‘rsatkichlarga ega ballistik raketani sinovdan o‘tkazdi
Pnevmatik qurollarni o‘z ixtiyori bilan topshirganlar javobgarlikdan ozod etiladi
Jizzaxda uchta yuk mashinasi ishtirokida YTH sodir bo‘ldi
“Roma” Shomurodov uchun yana 8 million yevro xarajat qiladi!
