Singapurdagi qimorxonada 4 mln dollar yutgan erkak xursandchilikdan vafot etdi

^{Foto: Shutterstock}
Singapurdagi “Marina Bay Sands” kazinosida yuz bergan voqeada bir kishi 4 million dollar yutib olganidan so‘ng to‘satdan vafot etdi, deya Lokmat Times xabar berdi.

Nashr ma’lumotlariga ko‘ra, noma’lum erkakda kutilmagan omad ortidan kuchli stress tufayli yurak to‘xtashi sodir bo‘lgan.

"Hodisa mashhur kazinoda yuz berdi, u yerda baxtli g‘olib 4 million dollarlik jekpotni qo‘lga kiritdi. Guvohlar xursandchilik o‘rtasida yiqilib, eyforiya sahnasi vahimaga aylangan voqeani tasvirlab berishdi", — deyiladi xabarda.

Qayd etilishicha, voqea joyiga chaqirilgan kazino xodimlari va qutqaruvchilar zudlik bilan erkakni jonlantirishga harakat qilgan, biroq uni qutqara olmagan.

Nashrning ta’kidlashicha, voqea Singapurning kazino sanoati bilan bog‘liq potensial xavflar, jumladan, pul yuvish bilan bog‘liq xavotirlar kuchaygan bir paytda sodir bo‘lgan. “Zamin”ni Telegramʻda oʻqing!